Главная » 2021 » Noýabr » 9 » Sežde
07:01

Sežde

SEŽDE

Ne beýle ir oýanypsyñ, eje jan,
Üşän gyşyñ gagşap barýar eñegi.
Dil bilen däl, köñül bilen pyşyrdap,
Edýärsiñ Hudaýdan ýagşy dilegi.

Üşäñokmy?
Gijäñ gerşinde gyraw,
Aýaz penjeläpdir gyş ümsümligin.
Eginlerin sallar otyr baglarmyz,
Agramyndan ýaña sowuk tümlügiñ.

Bagtly ýaşamaga haklydyr juda,
Seždeden soñ özün bagtly saýan.
Köñül pyşyrdyñy men eşdip durun,
Eşidýän dälmidir eýsem, Hudaýam?!

Hudaýberdi SÖHBETOW.
Goşgular
Категория: Goşgular | Просмотров: 345 | Добавил: Haweran | Теги: Hudaýberdi Söhbetow | Рейтинг: 2.5/2
Awtoryň başga makalalary

Goşgular bölümiň başga makalalary

√ Eýledi ýar meni dert ile awara, medet... / Goşgular - 12.01.2025
√ Bu köňlüm zowrakyn aldy bu gün bir gunça leb gülruh... / Goşgular - 06.01.2025
√ Rubagylar / Goşgular - 10.01.2025
√ Men bir ýola... / Goşgular - 12.01.2025
√ Hatty benewşe, haddy läle, zülpi reýhandyr... / Goşgular - 12.01.2025
√ Ýagşy niýetler / Goşgular - 08.01.2025
√ "Ýene-de daň atdy..." / Goşgular - 01.01.2025
√ Söýlemezlik harjysy söýlemegiň hasydyr... / Goşgular - 04.01.2025
√ Ýaraly ýüregiň owazy / Goşgular - 22.01.2025
√ Ýar laglyň arzuwlar men, jana bereý sen şypa... / Goşgular - 06.01.2025

Teswirleriň ählisi: 3
0
1 Edebiyatcy  
15
Hudaýberdi Söhbetiň goşgularyndan bar bolsa köpräk goýsaňyzlaň! Gowy poeziýasy bar şu şahyryň

0
2 mango  
651
sežde edýän enäniň ruhy ýylyllygy, rahatlygy bilen daşaryň aýazy, sowugy - gowy kontrast.
başynda "Ne beýle ir oýanypsyñ, eje jan" diýende ertir namazy ýada düşdi, indiki kupletinde "Üşäñokmy? Gijäñ gerşinde gyraw" diýende bolsa - bu ýarygije namazy hasapladym. ybadatlaryň iň gymmatly wagty....
näme-de bolsa bir zatlar-a ýetenok...
pikir aýdylyp bilinmedik ýaly....

Bagtly ýaşamaga haklydyr juda,
Seždeden soñ özün bagtly saýan.

bagtly ýaşamaga haklysyň, hakyň bardyr... ýaly sözler sowuk (hakyňy ýatladyp başlasalar, eýýäm....)

Köñül pyşyrdyñy men eşdip durun,
Eşidýän dälmidir eýsem, Hudaýam?!

goşgyň başyndaky "Dil bilen däl, köñül bilen pyşyrdap, Edýärsiñ Hudaýdan ýagşy dilegi" -diýen ajaýyp sözleriňi jemlemede gaýtalap gowşadypdyr, hemem üstüne şübhe goşup gowşadypdyr (hasap edýän).

goşgy gowy, has bişirilen bolaýsa hasam gowy bolardy.

0
3 ibrahimbadakhshan  
694
Ajaÿyp gošgy, (Üşäñokmy?
Gijäñ gerşinde gyraw,
Aýaz penjeläpdir gyş ümsümligin.
Eginlerin sallar otyr baglarmyz,
Agramyndan ýaña sowuk tümlügiñ.) šular ÿaly šygryÿete baÿ setirleri döredip bilÿân šahyrdan, ÿene gošga garašÿarys.

Teswiri diňe saýta agza bolan ulanjylar goşup bilýär.
[ Agza bol | Saýta gir ]