Surat

SURAT

Senli ýatlamalaň içine çümdüm
Ýüregimde galypdyr seň syratyň.
Taryhy tekjämiň içini dördüm
Bir burçunda ýmsatyr eken suratyň.

Ýürek ses edýärdi "ýyrt bu suraty
Peýdasy ýok indi bukup goýmagyň.
Her gezek ýatlañda gaýgylañ artdy
Indi wagty geldi tiz unutmagyň.

Ýüregim, bilýärin ýalňyşym kändir
Senden haýyş etdim ony söýmegi.
Şol pursat ýuwaşja diýipdiň sessiz
Ynjydar, ýaralar seni hem meni.

Ýöne bu suraty ýyrt diýme maňa
Goý dursun ol seniň gulply ýeriňde
Bir wagyt näbeli duýdansyz günde
Duşsam diýer yaly "suratyň mende".

Mustapa BATYROW.