Главная » 2021 » Oktýabr » 26 » Ýetmezmiş
16:42

Ýetmezmiş

ÝETMEZMIŞ

Geň däl görip ýanyp-bişse,
Onsuz oň güni ötmezmiş.
Çyn bedewler ýoly düşse,
Hiç biwepalyk etmezmiş.

Äriň merdi söýüp ýaryn,
Bagş edermiş golda baryn,
Bürgüt guşlar öz diýaryn,
Taşlap, hiç ýurda gitmezmiş.

Husytlaryň dili baýdyr,
Emma kalblary gedaýdyr,
Olar üçin zat hudaýdyr,
Olaryň egni bitmezmiş.

Perizat ene-ataň bagty,
Şolar bilen ýoluň ýagty.
Mert ogul ýetişen wagty
Gatnawly ýollar ýitmezmiş.

Dusrun diýer, aýdym, ýaňlan,
Hemrasy bol ajap daňlaň,
Goý, giň dünýä dolsun ýaňdan,
Aýdymdan zeper ýetmezmiş!

Oguldursun POPYÝEWA.
Goşgular
Категория: Goşgular | Просмотров: 312 | Добавил: Haweran | Теги: Oguldursun Popyýewa | Рейтинг: 0.0/0
Awtoryň başga makalalary

Goşgular bölümiň başga makalalary

√ Aramyzdan gidenleri ýatlalyñ! / Goşgular - 12.01.2025
√ Lolular / Goşgular - 08.01.2025
√ Rubagylar / Goşgular - 10.01.2025
√ Dostum, arz et jemalyň, janymyz bolsun fereh... / Goşgular - 04.01.2025
√ Men bir ýola... / Goşgular - 12.01.2025
√ Oňşuksyz öý / Goşgular - 12.01.2025
√ Ýagşy niýetler / Goşgular - 08.01.2025
√ Ýar laglyň arzuwlar men, jana bereý sen şypa... / Goşgular - 06.01.2025
√ "Ýene-de daň atdy..." / Goşgular - 01.01.2025
√ Kowusnama: Bedew edinmek hakynda / Goşgular - 12.01.2025

Teswirleriň ählisi: 5
0
1 Aksary  
876
Perizat ene-ataň bagty...

Perizat(my)perzent(mi) diýesiñ gelip dur.

0
2 mango  
651
Çyn bedewler ýoly düşse,
Hiç biwepalyk etmezmiş.

goşgudan logika gözlemek nädogry diýselerem, gözlemänem bolanok.
biwepalyk etmeýän bedew, ýa-da biwepalyk eden bedew nähili bolýarka?
ýa bedew diýýäni - ýöne bir simwolmyka?
---
Bürgüt guşlar öz diýaryn,
Taşlap, hiç ýurda gitmezmiş.

guşlaram ýerli-ýurtly-döwletli bolýamyka?
eger-de türkmen tarapyndaky bürgüt eýran tarapyna degişli daglara uçup barsa..... onuň öz diýaryny terk etdigi bolýamy? hmmm....
---
Goý, giň dünýä dolsun ýaňdan,
Aýdymdan zeper ýetmezmiş!

her artyk zatdan zeper ýetýär.
artyk duz nahary zaýalar,
artyk suw ekini.
artyk aýdymyňam zaýalajak zatlary kän, ol aýdymam bolsa....

0
3 Aksary  
876
Iller şol mežnun dagynyñ
Serinden duman göçüpdir
Aşyklar yşk pyýalasyn
Her dem dannaman içipdir

Başyny salyp etege
Gözli kör barmyş emgege
Hakdan galan nar yañaga
Nämahrem eýe çykypdyr...

Ýalñyşýan bolmagym ahmalyrak

0
4 begenjovna  
783
Syn edyan welin, goşgulary diysen okdelik bilen tankytlayañyz. "Bu nahili başardyar" diyayesiñ gelip dur.

0
5 Alaýabyly  
788
Iň soňky bentdäki "Dusrun diýerde" harp ýalňyşy bar eken.

Teswiri diňe saýta agza bolan ulanjylar goşup bilýär.
[ Agza bol | Saýta gir ]