Главная » 2022 » Dekabr » 20 » Ýöne samyrdamak...
14:29

Ýöne samyrdamak...

ÝÖNE SAMYRDAMAK...

Adymy tutýarsyň,
Edil tanaýan ýaly!
Meni ejemden başga,
Tanaýan barmy?!
Senem tanamarsyň,
Azara galma!
Tamaňy daňyber tala!
Sen ilki özüňi tana!

Käte hiç kimi göremok,
Men—egoizm!
Käte özümi söýýärin,
Men—narsisizm!
Maňa düşünjek bolup,
Garama kitaba,
Men—üýtgeşik dil,
Düşünmersiň grammatikama!

Maňa gerek däl söýgi,
Maňa gerek däl hiç zat,
Yşgym Arşda!
Ynsan söýgüsi—hiç zat!
Men—düşnüksizlik,
Ýüzümem iki!
Ýüzsüzlik erbet zat,
Bir ýüzüm seniňki!

Käte gyş men,
Kä ýatlatýan bahary.
Duýgularym durnuksyz,
Özümem gaharly.
Bagyşlaň!
Dilim biraz zäherli,
Men—obadan çykan şäherli!
Goşgular
Категория: Goşgular | Просмотров: 342 | Добавил: Bagabat | Теги: Aýsapar Emelowa | Рейтинг: 5.0/2
Awtoryň başga makalalary

Goşgular bölümiň başga makalalary

√ Ýagşy niýetler / Goşgular - 08.01.2025
√ "Ýene-de daň atdy..." / Goşgular - 01.01.2025
√ Oňşuksyz öý / Goşgular - 12.01.2025
√ Eýledi ýar meni dert ile awara, medet... / Goşgular - 12.01.2025
√ Söýlemezlik harjysy söýlemegiň hasydyr... / Goşgular - 04.01.2025
√ Dil pyrak odunda ýandy, galdy jan hijran era... / Goşgular - 12.01.2025
√ Bu köňlüm zowrakyn aldy bu gün bir gunça leb gülruh... / Goşgular - 06.01.2025
√ Aramyzdan gidenleri ýatlalyñ! / Goşgular - 12.01.2025
√ Dünýä maňa aşyk bolsun! / Goşgular - 07.01.2025
√ Men bir ýola... / Goşgular - 12.01.2025

Teswirleriň ählisi: 4
0
1 Bagabat  
43
Edebiýatda, sungatda minimalizm usuly bar: Öz pikiriňi, şekillendirmäňi mümkin boldugyndan az söz, az reňkler bilen beýan etmek.
Şol stilde ýazylan goşgy bolupdyr.
Onsoňam şunuň ýaly äheňde ýazylan zatlar nämüçindir ynsan aňyna has çalt, ýiti täsir edýär. Belki bu gan hakydasydyr. Müňlerçe ýyllar mundan ozal ot başynda, deprek deregine ulanylan gypjagyň (içi boş, gury töňňäň) mukamlyja gürp-gürpüne goşulyp, gündizki şowly aw hakda sanalan sanawaç-aýdymlar...
Mümkin, hut şoň üçinem häzirki döwürde Rep, HipHop aýdymlarynyň, medeniýetleriň, mentalitetleriň tapawutlylygyna garamazdan dünýäň dürli halklarynda-da ýörgünliligi.
Goşgyň bolsa öz-özüň hakda hümmüldili gowy zat bolupdyr.
Berekella.
Gowy stil, gowy äheň, ýerine düşen eksperiment.

0
2 Soho  
1353
Şu gyzyñ yazyş stilini menem Syke Dälä meñzedyän

0
3 Aksary  
876
Öñki samyrdydan has gowy samyrdy.Berekella.

0
4 sylapberdimuhamov  
1428
Kapyýalaryñ emrine görä ýazylýan goşgular bolýar. 1 setir "ses edýär" bilen tamamlansa 3 setir hökman esedýär bolaýmaly). Ýokardaky goşguda kapyýalar aýdyljak bolunýan zada gyşarnyksyz boýun egdirilipdir. Gyzykly ýeri kapyýalar gyzykly.
Gözel...

Teswiri diňe saýta agza bolan ulanjylar goşup bilýär.
[ Agza bol | Saýta gir ]