07:02 Açgözüñ aýdymy | |
AÇGÖZÜŇ AÝDYMY
Bu gün wezipäm bar, Jübimde pulum. Tanamok men dolanany, dogany. Özgelere ölüm bolsun parhy ýok, Maňa diňe özüm bolsa bolany. Öýümi öwürdim giden jennete, Otuz ikim sap gyzyldan saldyrdym. Ululara ýaranmagy başarýan Eýdip-beýdip men özümi aldyrdym. Bäş barmagyň bäşisi bir deňmişmi, Ýük çekmäge döredilen ýük çeker. Az çek diýseň az çeker. Köp çek diýseň köp çeker. Baýlyk bilen meniň serim dumanly, Baýlyk üçin geçipdirler zürýatdan. Kimem bolsa ýalňyşmandyr zalywat, Çünki baýlyk belent ahyr bar zatdan. Meniň üçin öküz ölse aýby ýok, Et köpräk bolsa maňa bolany. Sygyrlaryň gysyrlary gowudyr, Dannawum ýok, Bolsa bolsun bogazy. Gassaba ýag gaýgy, “Geçä bolsa jan”. Bu söz könelerden galan nakyldyr, Muňa düşünmeýän adam akmakdyr, Muňa düşünýänler örän akyldyr. Özgelere näme bolsa, şol bolsun, Başgaň derdi pikir edip ýörülmez. Maňa diňe şöhrat gerek, pul gerek, Dünýäň başga zady göze görünmez. 15.01.1979 ý. Sapargeldi HUDAÝBERDIÝEW. | |
|
√ Göreş / Goşgular - 11.02.2024 |
√ Gije hem gündiz / Goşgular - 07.02.2024 |
√ Düýş hem ýagyş / Goşgular - 09.01.2024 |
√ "Diýdiñ: Gelin bolup görkezeýinmi?.." / Goşgular - 14.02.2024 |
√ Rubagylar / Goşgular - 01.01.2024 |
√ "Bagşylara" / Goşgular - 07.02.2024 |
√ Puluň başarnygy barada agymtyl goşgy / Goşgular - 10.01.2024 |
√ Nar / Goşgular - 22.04.2024 |
√ Sowuk söz / Goşgular - 31.01.2024 |
√ Mürze ýigit / Goşgular - 12.03.2024 |
Teswirleriň ählisi: 16 | 1 2 » | ||||||||||
| |||||||||||
1-15 16-16 | |||||||||||