08:26 "Aglara agy ýok, gülere — gülki..." |
"AGLARA AGY ÝOK, GÜLERE - GÜLKI..."
Şatlyk paýlananda, gam paýlananda
Meň kalbyma gam düşüpdir bol-telki.
Şu gün — täze ömrüň ilkinji güni,
Ýa ömrümiň soňky günüdir belki.
Gije birmahalky gijä meňzänok:
Tutuksy. Garaňky. Alanok erki.
Şu gün — täze ömrüň ilkinji güni,
Ýa ömrümiň soňky günüdir belki.
Duýgulary gorjamaga esas ýok,
"Aglara agy ýok, gülere — gülki".
Şu gün — täze ömrüň ilkinji güni,
Ýa ömrümiň soňky günüdir belki.
Bu duýgy umydyň şuglasy
ýa-da
Ertirimiň elhenç tümüdir belki...
Şu gün — täze ömrüň ilkinji güni,
Ýa ömrümiň soňky günüdir belki.
Sapa HOMMADOW.
|
Категория: Goşgular |
Просмотров: 391 |
Добавил: Pegas
| Теги: Sapa Hommadоw
| Рейтинг: 5.0/1 |
Awtoryň başga makalalary
Goşgular bölümiň başga makalalary
Teswirleriň ählisi: 1 | |
0
Gowy goşgy. Hudaýa-da ynansaň ynan welin özüňem eşejigiňi berkje daňmaly... diýilen ýerem bar.
|
|
|
|