Ähtimal

ÄHTIMAL

Wulkan ýaly ýanyp duran hesermiň,
Wulkan ýaly öçmegi-de ähtimal,
Pesdir öýtme, söýgim üçin peselsem,
Ykbalymyň maňa eden ähti bar.

Bilýäň ahyr, duýgylamda meslek ýok,
Arzuwlarma umyt bilen çyrmaşdym,
Başarsaň-a ynamymy berçinläp,
Heşdek ýaly dogumymy ornaşdyr.

Bu güneşiň ýaşmagyna garaşma,
Garaşma sen çogly günüň dogarna,
Ykbal, täleý, ýazgyt bile birigip,
Iň soňunda alyp gider owarra.

A soňra-da ne men, ne-de sen meni,
Tapyşmarys,
Idemersiň, idemen,
Seniň üçin tüme dönen dünýäni,
Görmezligi arzuw eder dideleň.

Öwrenşeris, "Ýazgyt" diýip oňarys,
Başyň alyp durmazmyşyn ähli zat,
Bu güneşiň ýaşmagyna garaşma,
Wulkan ýaly öçmegi-de ähtimal...