Maňa ejizdir öýtdüler

MAŇÄ EJIZDIR ÖÝTDÜLER

Maňa ejizdir öýtdüler,
"Beýiklikden gorkýan"diýsem,
Maňa ejizdir öýtdüler,
"Käteler darykýan"diýsem.

Maňa ejizdir öýtdüler,
Sadalaň tarapyn tutsam,
Maňa ejizdir öýtdüler,
Terk edenleri unutsam.

Maňa gorkakdyr öýtdüler,
Gep gaýtarman dymanymda,
Oňa erkekdir öýtdüler,
Kişä kesek zyňanynda.

Säginende täleý otlym,
Saga çekdiler, çep ýanym,
Duýmadylar kine bilen,
Gussany içe çekýänim.

Bu ömrüň tanapy çüýrük,
Umyt bar, ynam ýok ertä,
Güneşe çüýredi duýgym,
Aňmadylar ynam terkä.

Gyýylanda ýuka göwnüm,
Başymy sypan ejemdi,
Tümlüge gaplap gitdiler,
Ýagty ýatlanjak geçenmi.

Tenimden burugsan tüsse,
Dem bolupdy käbirine,
Niýetime ýaplanypdym,
Emma bakdylar hilime.

Maňa bahyldyr öýtdüler,
Dogrulap, baksam ýüzüne,
Oňa jahyldyr öýtdüler,
Bal garanda zäher söze.

Ýalňyzlykdan haraý isläp,
Dilime dakdym ýaşmagy,
Päk ýüregmi çepe süren,
Iki ýüzlüleň paşmagy.

Gaçyp gutulma çok eken,
Hyýallarym salgym ýaly,
Ýene umyda ýapyldym,
Olam menden argyn ýaly.

Ýaşamagy dowam etsem,
Arzuw ýüregmi tüýtdüler,
Kyn günümde doga etsem,
Maňa ejizdir öýtdüler.

Çeşmesi: http://yashlar.ru/m/blogs/show/?id=192. 25.11.2022ý.