16:33 Ahwal | |
AHWAL
Barymdan bazar eýledim, Käte kemsindim ýoguma. Bir gün duýgularmy bogup, Ýanasym geldi ýoguna. Göwnüme hile gurdurdym, Urdurdym ýodany, ýoly. Ähli kişä gyýa bakdym, Ählisi kastymda ýaly. Jan berjekdim jan berene, Janyn berjek tapylmady. Görmesem diýdim dünýäni, Göreçlerim gapylmady. Elden gelse, hemmäň derdin Bir demimde ýakjakdym men. Çoýunara ot boljakdym, Derýa bolup akjakdym men. Ata pendin dogry tutup, Aglatmajakdym enemi. Jahana şatlyk berjekdim, Özüm aljakdym elemin. Ýol tapjakdym ýüreklere, Mätäçlere gol berjekdim. Diňe ýeke gyzy söýüp, Diňe şoňa ýalbarjakdym. Gol buladym salgyma kän, Elim ýetmedi belende. Wah, şo mahal ýok ekenim Bagt gapym kakyp gelende. Etsem-petsem kändi mende, Juda-juda kändi olar. Ýöne ömrümiň güýzünde Ýaprak bolup tändi olar. Her arzuwmy durmuşyma Geçirmäge gyssanardym. Arzuw arzuwlygna galdy, Wah, ýeňildim gussalardan... Dat-bidat gygyrdym ençe, Tapylmady sesim eşden. Onsoň zary-zar ýygladym, Sesimi gizleýip içden. Tapmakdan umydym üzdüm, Nirde şatlyk, nirde gowluk?.. Ahyrsoňy bilip galdym Ýalňyşanmy döräp - doglup. Sapa HOMMADOW. | |
|
√ Yzany yşkyma ýamag etdim / Goşgular - 15.04.2024 |
√ Garaş maňa / Goşgular - 17.02.2024 |
√ Nar / Goşgular - 22.04.2024 |
√ "Gitdim senden ilerledip ümzügi..." / Goşgular - 01.01.2024 |
√ Dostluk hakda / Goşgular - 18.02.2024 |
√ Moskwadan görýärler / Goşgular - 30.01.2024 |
√ Soltan / Goşgular - 27.03.2024 |
√ Siziñki / Goşgular - 30.01.2024 |
√ "At bilen kowalap gördüler ony..." / Goşgular - 01.01.2024 |
√ Är garrar... / Goşgular - 30.04.2024 |
Teswirleriň ählisi: 2 | |||
| |||