Aragyñ

ARAGYÑ

Bilmedikler gulak goýuñ sözüme,
Gara oýny kän eken ak aragyñ.
Öliñ reñkini urdy ýüzüme,
Gara oýny kän eken ak aragyñ.

Öýe eltmän gazanjymy, aýlygmy,
Araga harç etdim ähli baýlygmy.
Ýitirdim lebzimi, iýdi saglygmy,
Gara oýny kän eken ak aragyñ.

Orta ýaşda omurdanmy çökerdi,
Deregmi dargadyp, juldan çykardy.
Tanapsyz örükläp, ýüpsüz kökerdi,
Gara oýny kän eken ak aragyñ.

Güjük çyñsap, it uwlaýar kisämde,
Diläp-diläp içýän indi küýsämde,
Bizar bolup, taşlap gitdi Maýsam-da,
Gara oýny kän eken ak aragyñ.

Mes günüm eselip, goçulyk satdym.
Kä urup, kä urlup, köçede ýatdym.
Men-ä şu zakgundan elheder etdim,
Gara oýny kän eken ak aragyñ.

Ýazguly PIRGULYÝEW.

"Tokmak" žurnaly, 1993 ý.