21:35 Aşgabat | |
AŞGABAT
Gujagñy bezeýär al-elwan güller, Arzyly şäherim, gözel Aşgabat. Eşretli goýnuñda bagtyýar iller, Arzuwly şäherim, gözel Aşgabat. Berkarar döwletde, bagtyýarym sen, Çar pasly güneşli ajap ýazym sen, Söýgüden heñ alan hoş owazym sen, Aşyklar şäheri, gözel Aşgabat. Bu gün joşup, goşgy ýazýar ýüregim, Bilseñ, bu dünýäde sensiñ geregim, Myhmansöýer ili ruhy diregim, Doganlyk merkezi gözel Aşgabat. Aziýañ merjeni, merdana ili, Bossanly gülleýşi jenneti haly, Arkadagyñ ýoly - bu halkyñ ýoly, Aýdym sen, gazal sen gözel Aşgabat. ▶ BAGT Bagt dälmi, her öýde ýañlansa şatlyk, Çagalar şatlanyp oýnasa, gülse?! Bagt dälmi, asuda örlese ilim Zähmetiñ deregne bereket gelse?! Bagt dälmi, ýaryşda bedewi çykan, Eneler guwansa bala bagtyna?! Bagt dälmi, halaýyk Howandaryny, Alkyşlap göterse hormat tagtyna?! Bagt dälmi, her ýürek hemaýar tapsa, Ýüregi nurana Arkadagyndan?! Bagt dälmi, dünýäde tanalsa iliñ, Üstüñe nur ýagsa eşret bagyndan?! Altynaý RAHIMOWA. #garagum | |
|
√ Dünýe... / Goşgular - 11.02.2024 |
√ Ynanarmykan? / Goşgular - 30.01.2024 |
√ Ak buýnuzly ak maral / Goşgular - 01.01.2024 |
√ "Garrap ýörünmi ýa men..." / Goşgular - 01.01.2024 |
√ Käbir aýallara melek diýýäñiz / Goşgular - 04.02.2024 |
√ Lenç edilen nakyl / Goşgular - 05.02.2024 |
√ Şert / Goşgular - 09.02.2024 |
√ Eýdip-beýdip... / edebi ýaňsylama / Goşgular - 12.01.2024 |
√ Göreş / Goşgular - 11.02.2024 |
√ Kyrk ýaşa ýeteniñde / Goşgular - 03.02.2024 |
Teswirleriň ählisi: 0 | |