Bahar gülleri

BAHAR GÜLLERI

Ýaşyl maýsalara bagryñy oýkap
Bahar güllerinden çemen bogsana.
Gülälekleñ giñ sährada dogşy deý,
Gün bolup kalbymda baky dogsana.

Bahar şemalynyñ yzyna düşüp,
Ketenimi geýip barsam ýanyña.
Ikinji klasda, partada bile
Oturanmyz, belki, düşer ýadyña.

Gör, asmanda gara bulutlar gaýýar,
Hä diýmän döküler ýere bereket.
Bagtyñ gapdalyñdan geçenni duýman,
Gijä galaýmagyn, edäý hereket.

Ýok, derkar däl señ saýawan tutanyñ,
Boljak bolsañ bol sen ömürlik pena.
Bilýän bahar pasly uzaga çekmez,
Biraz biynjalyk bolýaryn men-ä...

Gunça ÝOLDAŞOWA.

"Garagum" žurnaly, 7/2011 ý.