06:35 Dilber | |
DILBER
Halypa sazanda Durdy Myradowýň ýadygärligine Çek bagşy, Dutaryň taryn çek, bagşy, Ýüreksize ýürek, dilsize dil ber. Perdelerden seýkin basyp düşsün-de, Sallana-sallana ýöresin Dilber. Gözi gitsin oňa gözi düşenleň, Ýigitler kalbynda harasat duýsun. Unutsyn-da sakgallarynyň akdygyn, Gojalar telpegin maňlaýna geýsin. Menem gül görküne bolaýyn bendi, Döz geler ýüregim düşse-de oda. Ylgaýyn-da şol gözeliň yzyndan, Jahyllyk çagymy salaýyn ýada. Gül ýygaýyn baýyrlardan şoň üçin, Meniň başga zada degmesin elim. Boş gepden, Gybatdan, Galmagallardan Gaçaýyn men, iň bolmanda bir salym. Bir salym ynjalsyn, Dynç alsyn serim Sungatyň döreden gudratyn synlap. Goý, razy bolsun senden hem menden, Lezzet alsyn, meýmiresin humarlap. Çal bagşy, Ýene şol sazy çal, bagşy, Ýüreksize ýürek, dilsize dil ber. Perdelerden seýkin basyp düşsün-de, Sallana-sallana ýöresin Dilber. Italmaz NURYÝEW. | |
|
√ Är garrar... / Goşgular - 30.04.2024 |
√ Meniñ monologym / Goşgular - 01.01.2024 |
√ Dünýe... / Goşgular - 11.02.2024 |
√ Ömrümiñ manysy bolmaly zenan / Goşgular - 05.02.2024 |
√ "Ulag gidip barýar..." / Goşgular - 28.04.2024 |
√ Soltan / Goşgular - 27.03.2024 |
√ Lenç edilen nakyl / Goşgular - 05.02.2024 |
√ Gökdepäm / Goşgular - 22.03.2024 |
√ Wiswisi lakamly obadaşymyň ömür beýany / Goşgular - 25.03.2024 |
√ Tazy / Goşgular - 30.01.2024 |
Teswirleriň ählisi: 0 | |