00:05 Dostluk hakda | |
DOSTLUK HAKDA
Kompozitor, dostum Merdan Annamyradowa bagyşlayaryn. I. Tolkunlaryň ýylman ak daşlary dek. Geçen günler birenaýy görünýär, ...Her ýana urunýar, Delmiýär ýürek, Şum tukatlyk garşysyna sürünýär. Dostlugam söýgi dek bir başa bir paý, Ol bir dür monjugy tapylýan seýrek. Belki çyn dostlukdan ýapynyp serpaý, Bäş günlük ýalança gelinýär seýre. Ýüregimde ýakyp ýalyn-otlary Şol günleri ýatlanymda her gezek, Bilýän, indi dolanmajak dostlary Küýsäp aglamaga çola ýer gerek. II. Her hili gün bolýar adam başynda, Ykbala ýazylan her kysym emgek. Dost başyn gam iýse, oýlanyp durman, Gurban bolsam diýýäň dostuňa derek. Bir gün ömür ahyr bolup haçanda, Iň soňky demlerin alanda gursak, Bakyýete tarap toýa barýan deý, Çyn dostuň egninde gitmegmiz gerek. Ruhum syrat köprüsinden geçende, Jennet alys, ýakyn gelende dowzah. Belki bizi çyn dostlugyň hakyna Jennete salarlar saklaman uzak. Sylapberdi MUHAMOW. Sentýabr, 2019. | |
|
√ Göreş / Goşgular - 11.02.2024 |
√ Ynanarmykan? / Goşgular - 30.01.2024 |
√ Nädip ýaşamaly?! / Goşgular - 13.01.2024 |
√ Kyrk ýaşa ýeteniñde / Goşgular - 03.02.2024 |
√ Nokat / Goşgular - 28.01.2024 |
√ Perişan kalbyñ umydy / Goşgular - 01.01.2024 |
√ Günüñ monology / Goşgular - 01.01.2024 |
√ Mürze ýigit / Goşgular - 12.03.2024 |
√ Rubagylar / Goşgular - 13.01.2024 |
√ "Garrap ýörünmi ýa men..." / Goşgular - 01.01.2024 |
Teswirleriň ählisi: 0 | |