19:31 Gaçyş | |
GAÇYŞ
Akmyrat Şire Sen gaçdyñ biweçlerden dünýäni piñne almaýan, Gaçdyñ bu barlyga az-kem akyl ýetirmek üçin. Gaçdyñ guşkellelerden, ýokanç keselden gaçan deý, Gaçdyñ Ylham bedewiñe ganat bitirmek üçin. Bolmak üçin gybatlardan, dawa-jenjelden alysda, Goşulmazlyk üçin it deý gemrişýän toparlara, Gaçdyñ! Terk etdiñ boş öwýänleri, Sebäp tapsa, "ýuwýanlary", Bulgur dostlaryñdan geçdiñ. Tire-taýpaçyllary, Ownukçyllary ret etdiñ. Talantlydygyñy duýup, "Bedewi büdresin" diýip, Tor gurýanlardan gaçdyñ-da, "Mis atlyñ" ýurduna gitdiñ. Gadym derwüşler deýin, pähim-paýhasa ýugrulyp, Iner ýüki abraý bilen köp ýyldan geldiñ öwrülip. Görseñ: ýene şol biweçler, Guşkelleler, öwünjeñler. Tireparaz, ownukçyllar, "Ýüzleşmäge" göwünjeñler, It deý gemrişýän toparlar, biri-birine badak atýan. Halymsyraýan, Gürledip, öz bahañdan arzan satýan. Baş kürsüde oturana ýaranmak üçin omalýan, Çemeçillik edip alan at-titulyna gomalýan, Pöwheler töweregiñ... ...Belki şum täleý, belki-de üşügiñi ýitirdiler, Ýatyrsyñ demsiz-düýtsüz, gaçypsyñ üçünji gatdan. Belki şum täleý, belki-de ajalyñy ýetirdiler, Heý ynanar ýalymy, beýle ir öçenine seniñ adyñyñ aýatdan?! 13.05.1991. Hemra ŞIROW. | |
|
√ Nokat / Goşgular - 28.01.2024 |
√ Meniñ monologym / Goşgular - 01.01.2024 |
√ "Gelin jan..." / Goşgular - 26.03.2024 |
√ Moskwadan görýärler / Goşgular - 30.01.2024 |
√ Puluň başarnygy barada agymtyl goşgy / Goşgular - 10.01.2024 |
√ Yzany yşkyma ýamag etdim / Goşgular - 15.04.2024 |
√ Günüñ monology / Goşgular - 01.01.2024 |
√ "Gitdim senden ilerledip ümzügi..." / Goşgular - 01.01.2024 |
√ Şemally gün / Goşgular - 27.01.2024 |
√ "Diýdiñ: Gelin bolup görkezeýinmi?.." / Goşgular - 14.02.2024 |
Teswirleriň ählisi: 0 | |