Gel, meni ýaşa!

GEL, MENI ÝAŞA!

Saçlaň ömrüme seçek bor,
Sesiň melhem daga-daşa.
Çözüp wagtyň iligini,
Gel, eý durnam, meni ýaşa!

Bu bahar seni görmeden,
Gitmesin başga illere.
(Mydam uçup bolmaz ahyr,
Bir gün gonmaly bor ýere).

Däli Jeýhun gaýmaklapdyr,
Görüp düýşünde geljegiň.
Giňdir biziň ýaýlalarmyz,
Bilýän, görseň begenjegiň.

Bulutlarmyz duýguçyldyr,
Dert däl, yşk getirler başa.
Owuç deý göwnüm dolduryp,
Gel, eý durnam, meni ýaşa!

Enwer NYZAMOW.