14:20 Güýz parçalary... | |
GÜÝZ PARÇALARY. . .
Şäher köçä sygman barýar, Diňläp ýagyşyň aýdymyn. Güýz hem agşam ezilipdir, Meň irden çykyp gaýdanym yzarlap sary kirpikleň, Düýşlere sary, geregim. Ýöne dünýä öňüm kesdi, Damagma dolýar ýüregim. Ne gül galdy, ne kölgesi, Ak asman çöküpler dyza. Içimde bir bulut otyr, Bakasym gelenok yza. ...Bu ýollara bergim kändir, Gabat gelen hasap sorar. Meni sizden, ýalňyzlykdan Diňe goşgularym gorar. *** Bu güýz maňa nätanyş däl, Eginlerin gysyp durşy. Çöken kerwen deý baglaryň Ýüreginiň güp-güp urşy. Alny derlän kölegeleň, Güwläp eňşi Köpetdagdan. (Bozup tertip-düzgünimiz, Gyzgylt ýel dünýäň dagydan). Gatlak-gatlak gözýetimde, Ýaprak-ýaprak bulutlaryň Gujaklaşyp oýnaýşyn gör, (Halys agras bolupdyryn). Ömür öňe, göwün yza, Durmuş aňsat, duýgular kyn. Bu güýz maňa nätanyş däl, Düýşlerim hem artýar ukym. Enwer NYZAMOW. | |
|
√ «Отвергнув гордое сомненье…» / Goşgular - 29.02.2024 |
√ Atsyz goşgy / Goşgular - 31.01.2024 |
√ "Gitdim senden ilerledip ümzügi..." / Goşgular - 01.01.2024 |
√ Lenç edilen nakyl / Goşgular - 05.02.2024 |
√ Erjellik / Goşgular - 05.01.2024 |
√ "Ulag gidip barýar..." / Goşgular - 28.04.2024 |
√ Salam, Türkmenistan! / Goşgular - 01.01.2024 |
√ Puluň başarnygy barada agymtyl goşgy / Goşgular - 10.01.2024 |
√ Garyp köñlümiñ soltany / Goşgular - 21.02.2024 |
√ Sumbaryñ kenarynda / Goşgular - 01.01.2024 |
Teswirleriň ählisi: 4 | ||||
| ||||