03:37 Düýş | |
DÜÝŞ
Asmana garylyp ýatyryn, eje, Örtüpdir üstümi ap-ak ümsümlik... Gelipdir howlukmaç geýinen agşam, El bilen düzlenen baglaň depesi. Kime gussa çökdi, kimlere şatlyk, Syzýar gözýetimden otlulaň sesi. Dünýä ak kagyzdy, hekaýadym men, Ýazyldym üstümi çyzsa-da ýyllar. Jeýhunyň mukamy içim ýylytdy, Söýdüm adamlary bölmän, aýyrman. Köçelerden giňdim, ýollardan uzyn, Watanym, galamym — namysym-arym. Tomusda dogulyp Güni görmedim, Elim, gözüm doldy, bu göwnüm ýarym. Asmana garylyp ýatyryn, eje, Örtüpdir ýüzümi ap-ak ümsümlik. Üstümde düýşlerden serhoş bu älem, Daşymda ýyldyzlar, töwerek tümlük. • TAPAWUT Guş gondurman gözleriňe, Ýoluňa arşy sererdim. Gije düýşüň, gündizleri Gülüşiňdi ýalňyz derdim. Dilim senden ybaratdy, Şahyr göwnüm sallançagyň. Uçup gitdiň alyslara Güýz Güneşin saýlan çagym. Tep-tekiz ýaşaýan indi, Bakyşlarňy küýsäp gelmen. Ýyllar meni üýtgetmedi, Ýöne öňki Enwer däl men. Enwer NYZAMOW. | |
|
√ Bagyşla! / Goşgular - 01.01.2024 |
√ Жизнь / Goşgular - 29.02.2024 |
√ Kyrk ýaşa ýeteniñde / Goşgular - 03.02.2024 |
√ Ömrümiñ manysy bolmaly zenan / Goşgular - 05.02.2024 |
√ "Bagşylara" / Goşgular - 07.02.2024 |
√ Meniñ monologym / Goşgular - 01.01.2024 |
√ Tilki bilen üzüm / basnýa / Goşgular - 10.01.2024 |
√ Gökdepäm / Goşgular - 22.03.2024 |
√ Är garrar... / Goşgular - 30.04.2024 |
√ Puluň başarnygy barada agymtyl goşgy / Goşgular - 10.01.2024 |
Teswirleriň ählisi: 4 | ||||
| ||||