Главная » 2023 » Aprel » 6 » Goýuň bize derdini...
09:16

Goýuň bize derdini...

GOÝUŇ BIZE DERDINI...

Gurbannazar Ezizowa, Annasoltan Kekilowa, Bapba Gökleňe, Osip Mandelştama, Ýan Rybowiçe, Aleksandr Puşkine, Ýuriý Lermontowa, Wladimir Maýakowskä, Sergeý Ýesenine, Aleksandr Bloga, Marina Swetaýewa, Wladimir Wysoskä, Nadýa Ruşewa, Eziz Amannazarowa... hem-de beýleki müňlerçe, şu alasarmyk setirlerde agzalýan DERDIŇ armanly ozanlaryna bagyşlanýar.

Siz!
Satyn alanlar bu dünýäni,
töläp dinar deregine imany –
– nesip etsin,
başy gök direýän gara daglaryňyz,
saýasynda şerap süzýän baglaryňyz,
saýawanyňyza ýagýan garlaryňyz,
biziň ýok ýerimizde barlygyňyz,
endigan akýan derýalaryňyz,
pamyk deý mymyk aýalaryňyz,
keýpihon ädýän ýollaryňyz,
sähralaryňyz, çölleriňiz,
bahasyna açlar doýup,
müjerretler öýlenjek,
reňki lowurdydan ulaglaryňyzam,
sagrysy bir gujak
jelepleriňizem,
öwlüýädäki meslik hakda dilegleriňizem,
sogab-u-pisat hakda ne ajap
gepleriňizem –
– nesip etsin hemmesi!
Şärik däl biz – ONUŇ garyp bendesi –
– siziň meýlisiňize, ýasyňyza,
ýasama gülkiňize, agyňyza...
Siziňki nesip edewersin,
hernä diňe size...

Bize bolsa dilegmiz, galsyn diňe,
dogulmadyk ynsanyň
ýazylmadyk namasy,
setirleri sadapdan,
kapyýasy yzaly,
jemagata mähriban
dälileriň danasy,
süňňi gara merjenden,
kümüş başy jygaly,
maral gözi – zümerret,
gözýaşy zer dänesi,
beg-şahandaz ýazlary,
näze gammaz ýelleri,
jünbüş eýlände zemin
açylmyş reýhan-lälesi,
hem-de gerdenne dünýä münen
ýagşylaryň pälleri...
Ine şo bahasyz serpaýa-da biz –
– ýanmadyk Doýmadymyň ýalnyna –
– Oň Oduna ömürbaky ýanarys,
paýaw ýetip, gitmeli günümiz alnyna,
Şoň Şuglasynda küle döneý, söneris...
diňe,
haýyş,
başbitin goýamyzsoň bu panyny size,
dalaş
etmäň, biziň ýanýan odumyza.
Bu diriligiň eşreti size galsyn –
– goýuň bize derdini...

Awtoryň haýyşy boýun girizilýän bellik: Birnäçe wagt mundan ozal ýazylan bu goşgy, @Bagabadyň @Mango tarapyndan edebiýat kafesi saýtynda goýlan Ýan Rybowiçiň "Öz-özüme hat" atly goşgusyna ýazan teswiriniň täsiri bilen üýtgedildi.
Категория: Goşgular | Просмотров: 270 | Добавил: Bagabat | Теги: Öwezgeldi Begliýew | Рейтинг: 5.0/1
Awtoryň başga makalalary

Goşgular bölümiň başga makalalary

√ Meniñ monologym / Goşgular - 01.01.2024
√ Käbir aýallara melek diýýäñiz / Goşgular - 04.02.2024
√ Dünýe... / Goşgular - 11.02.2024
√ Salam, Türkmenistan! / Goşgular - 01.01.2024
√ Gije hem gündiz / Goşgular - 07.02.2024
√ "Bagşylara" / Goşgular - 07.02.2024
√ Günüñ monology / Goşgular - 01.01.2024
√ "Gelin jan..." / Goşgular - 26.03.2024
√ Ömrümiñ manysy bolmaly zenan / Goşgular - 05.02.2024
√ Rubagylar / Goşgular - 01.01.2024

Teswirleriň ählisi: 3
0
1 Gumlygelin  
8
Beýle gošgy hem ýazyp boljak eken.Her setiri örän jaýdar.Dogrusy aýdara sözüm ýok.Awtory sag bolsun!

0
2 Bagabat  
43
KURANY-KERIMIŇ “BAKARA” (SYGYR) SÜRESI.

84. (Eý, ysraýyl ogullary!) Biz sizden biri-biriňiziň ganlaryňyzy dökmejekdigiňiz, biri-biriňizi ýurtlaryňyzdan çykarmajakdygyňyz barada (hem) ähti-peýman alypdyk. Soň siz ähli zady görüp kabul etdiňiz.

85. Soň siz (beren sözüňizden dänip) biri-biriňizi öldürdiňiz, öz içiňizden bir topary ýurtlaryndan (kowup) çykardyňyz. Olara garşy günäde we duşmançylykda biri-biriňize ýardam berdiňiz. Olary (ýurtlaryndan) çykarmak size haram bolsa-da, (siz olary hem ýurtlaryndan çykarýarsyňyz, hem-de başgalaryň eline) ýesir bolup, size gelenlerinde, töleg töläp, olary halas edýärsiňiz. Ýa-da siz kitabyň bir bölegine ynanyp, bir bölegini inkär edýärsiňizmi? Siziň içiňizden kim beýle edýän bolsa, (onuň) jezasy bu dünýä ýaşaýşynda ryswalykdyr. Kyýamat gününde bolsa, olar iň agyr azaba duçar bolarlar. Alla siziň edýän işleriňizden gapyl däldir.

86. Olar ahyretiň deregine bu dünýä ýaşaýşyny satyn alanlardyr.(Şonuň üçin hem) olaryň azaby ýeňilleşdirilmez, olara kömek hem edilmez.

87. Takyk, Biz Musa kitaby (Töwraty) berdik we ondan soň hem yzly-yzyna pygamber iberdik. Merýem ogly Isa äşgär deliller berdik we ony Mukaddes Ruh (Jebraýyl) bilen goldadyk. (Emma) näwagt pygamber siziň göwnüňiziň halamaýan zadyny getirse tekepbirlik etdiňiz. Siz (özüňize iberilen pygamberleriň) käbirini ýalançy hasapladyňyz, käbirini bolsa öldürdiňiz.

88. (Olar): «Biziň kalplarymyz möhürlenen» diýdiler. Ýok! Olaryň küpürleri sebäpli, Alla olary näletledi. (Şonuň üçin hem) olaryň (içinde) ynanýanlary azdyr.

90. Allanyň Öz bendelerinden islänine Öz pazly-kereminden (pygamberlik) iberýändigine göripçilik edip, Allanyň inderen zadyny (Kurany) inkär edip, özleri üçin nähili erbet zady (imanyň deregine küfüri) saýladylar. (Şonuň üçin hem) olar (Allanyň) gazabyna duçar boldular. Kapyrlar üçin ryswa ediji azap bardyr.

0
3 sylapberdimuhamov  
1428
Tüweleme. Söz ýok.

Teswiri diňe saýta agza bolan ulanjylar goşup bilýär.
[ Agza bol | Saýta gir ]