Hezillik

HEZILLIK

Duman tutdy zemini,
Ýerde ýaly bulutlar,
Gün dogdy duman ýitdi,
Üýrmesin goýdy itler.

Ýagtyldy älem jahan,
Geldi düýnki gorküne.
Gije gündüzlik ýene,
Nesip etdi her kime.

Hakdan ozgan erki ýok,
Wagt geçýär birsyhly.
Az gürleýär akylly,
Akmagyñ sesi çasly.

Boldy et how diydirjek,
Goýanok goýar ýerde.
Hä hawa berýän otyr,
Özüni goýup derde.

Gözleri elek-çelek,
Hanha barýar ogry-da.
Diýmez edýänim telek,
Diýer walla dogry-da.

Sallanjyrap uz basýar,
Gülden näzik gozeller.
Anha, şahyram barýar,
Derde şygyr gazallar.

Her kimiň bolup bilşi,
Ýok ýaly munda geñlik.
Wagt bolsa geçip dur
Bolýar bar kişä deňlik.
Gör nähili hezillik...

Allanazar REJEPOW.