Hindi kinosy

HINDI KINOSY


Hem söýgüden doly,
Gussadan doly,
Hem süýji owazdan, aýdymdan
dyñzap.
Hindi kinolary jadyly ýaly,
Girýärdi ýürege,
kalbyña müñzäp.

Gül,
Agla,
Señsele,
Yşkdan ýaña,
Meýmire sitarañ täsin sazyna.
Gara saçly hindi gyzyñ tansy hem,
Ýesir borsuñ mañlaýdaky halyna.

Durşy duýgy, söýgi,
Asla söz ýetmez,
Aýyrar gussañy, kineleriñi.
Şindem söýýän,
Şol mahalky elýetmez,
Şahyr eden hindi kinolaryny.

Annahal BAÝHAN.