22:45 Duýmadyñmy? | |
DUÝMADYÑMY?
Bakanynda didelerim intizar, Aýt, mähriban söýgim duýmadyňmy? Çekerimden agyr gelýärkä ahwal, Aýt, mähriban söýgim duýmadyňmy? Uzaklaşsaň menden galaryn ejizläp, Pynhan duýgularmy kalbymda gizläp, Sen hakynda ýazan şygrymy diňläp, Aýt, mähriban söýgim duýmadyňmy? Goýamok ýeriňe asla hiç kimi, Äwmezligiň çökerse-de gerdeni, Duýup ýörkäm seniň her bir derdiňi, Aýt, mähriban söýgim duýmadyňmy? Geçen däldir ýeke günüm ýatlaman, Ýüregimde senli her bir ýatlama, Garaşaryn bir gün geljek hatlarňa, Aýt, mähriban, söýgim duýmadyňmy? Sen bolsaň alnymda ykbaldan razy, Sen goşgyma ýazlan muwapyk sazmy? Ýa sen ykbalymda sowulmaz ýazmy, Aýt, mähriban, söýgim duýmadyňmy? Täzegül AMEDOWA, Döwletmämmet Azady adyndaky TMDDI-niň talyby, "Kämillik mekdebi" klubynyň agzasy. | |
|
√ Rubagylar / Goşgular - 13.01.2024 |
√ Alabahar / Goşgular - 21.03.2024 |
√ Gije hem gündiz / Goşgular - 07.02.2024 |
√ Suwdan ot çykaran goşgy / Goşgular - 31.01.2024 |
√ Aldawçynyñ pañ-pañy / Goşgular - 18.01.2024 |
√ Sumbaryñ kenarynda / Goşgular - 01.01.2024 |
√ Mürze ýigit / Goşgular - 12.03.2024 |
√ Ýogaldy / Goşgular - 05.05.2024 |
√ Käbir aýallara melek diýýäñiz / Goşgular - 04.02.2024 |
√ Ýagyş damjasy / Goşgular - 24.03.2024 |
Teswirleriň ählisi: 0 | |