Kelam ummanyña urdum özümni...

KELAM UMMANYÑA URDUM ÖZÜMI...

Kelam ummanyña urdum özümni,
Rahmet gomlaryña sal ejiz geldi.
Dürler syçrap, tas gapypdy gözümni,
Küregi urmaga bil ejiz geldi.

Delmuryp garadym degre-daşyma,
Gör, niçik hyýallar geldi başyma,
Agyr heññam penje urup döşüme,
Zybanym çaşyrdy - til ejiz geldi.

Pirler mejlisinde joş kylan meýiñ
Täsirinden birdem titredi serim,
ULUG jaýdan başa çeken heseriñ
Alawyn ýazmaga el ejiz geldi.

"Ol otuz enbiýa, ol otuz eshap" -
Ol çümüp çykanyñ neneñsi kitap?!
Misliki derwüşem, diýdim-de "huw-hak",
Dolandym kenara, hal ejiz geldi.

Ýüwürdim - kaýdadyr, ýeriñ damary,
Sermendim - nirdedir Arşyñ kemeri?
Bossanyñ parç güllerine emenip,
Elewredim, sag-u-sol ejiz geldi.

Hakdan içen - hak ýolunda gadamy,
Pirler gurşan, ärler gurşan her demi,
Magtymguly ýaly weli ADAMY,
Mundan aparmaga sil ejiz geldi!

Näzik ANNATYÝEWA.