Men depseñ deprenmez...

MEN DEPSEÑ DEPRENMEZ...

Men depseň deprenmez, men şeýle tütjar,
Gapjygym boş, ýöne ýürek yşka baý.
Göwräm ýerde, göwnüm guş bolup uçýar,
Onyhuzuryma alyp geldi maý!

Ol maňa bagş etdi gülüň täzesin,
Olörkümi eýýäm üzüpdir ýerden.
Ol şeýle mylaýym, şeýle näzenin,
Ol şeýle bir awçy, ol şeýle mergen.

Men daglaryň hökmürowan şiridim,
Ömrümi ömrüne gatyp goýberdi.
Erkindim, barýardym şygra birigip,
Çep kükrekden çenäp, atyp goýberdi.

Indem döş kapasam açyk barýaryn,
Ondan özge zatlar boşdur, panydyr.
Ýoluna bägül deý saçyp barýanym,
Ýüregimden akýan yşkyň ganydyr.

...Ezizim, galany bize aýandyr,
Bärde bagtyňy-da ogurlaýarlar!
Gussadan göwreli bolan aýallar,
Hiç haçan şatlygy dogurmaýarlar...

Ysmaýyl TAGAN.