Mertebe

MERTEBE

Taplan otda
Örtenseñem synma sen,
Şer işler amana gelsin alnyña.
Döret, ýürek gyssa,
Dünýä sygmasañ,
Höwes etme, şöhrat diýlen salgyma.

Gursagña gül eksin toprak deý päliñ
Goş basmasyn gam-gussanyñ leşgeri.
Güýzdäki saralan ýaprak deý tänme,
Ganat ýaýsyn,
Ylham atly kepderi.

Kak, badyna
Did urmasyn ýamanlar,
Ýagşylara ýaz deý mylakatly bak.
Ertir öz gursagna çenär ýaragy,
Düýn özgäñ oljasyn talan bir akmak.

Baglar göçüp-gonsa,
Kök urmaz ýere
Alakjan peşmekleñ bolmaz mekany.
Syrlara baý gudratyny söýseñem
Daglardan belent saý dogduk depäñi.

Wagt - her kime gürrüñ berer kimligin,
Ykbal - bizi okap çykar kitap deý.
Gör, kimleriñ goltugynda gömülgen
Çakar-da,
Al salar - meñzi nikaply.

Ojakda ot ýansa,
Gory egsilmez.
Elär bizi durmuşda kyn synaglar.
Şahalarna daş atsañam, egseñem,
Mertebesin saklar belent çynarlar.

Mahym ROZYÝEWA.