23:23 Yşkyñ heýkeli | |
YŞKYÑ HEÝKELI
Maňa tükeniksiz köňül deňzini, Seýran etmek üçin älem beripdiň. Bilmedim, kalbymyň ýapyk öýüne, Haýsy emel bilen gelip giripdiň? ...Paýlaşdyk bar zady Şatlyklar saňa, Gussany men aldym, asla bilmediň. Yşka iň ýakyn ýol saňa degişli Men ömrûmi kôp garaşyp, egledim. Öz keşbimi oýnan sada köňlümiň, Sahnasyny bir açyp, bir ýapypsyň. Şemala sowrulan arzuwlarymdan Bilmedim men sen nämeler tapypsyň? Ýat tutdum ömrümiň kesgitlemesin, Hakydamy dörjäp, erbet diýmerin. Ýürek-ýürek bolmaz, bölünip gitse? Eh, indi men hiç haçanam söýmerin. Serhoş duýgylaryň haky, haýyşym, Bolman seniň üçin behişt peýkeri. Diri men, Gursakda urýan ýürek däl, Birwagt jana giren yşkyň heýkeli. Ele galam beren nämekä özi? Ýowuz bolýan eken söýginiň hökmi. Deňimden geçeňde goýup gitmäge Heýkele niýetlän çemeniň ýokmy? ▶ YŞK Men-ä haýran gudratyna söýginiň, Bu dünýä hem “Söýgi” diýip oýanýar. Tebigatam göýä kimdir birine, Görünjek deý gül lybasyn geýinýär. Asman-ýere, ýerem asmana aşyk, Gün Aýa atypdyr söýgi bijäni. Söýgi bolup akýar daglaň çeşmesi Gündiz hem oýanýar öpüp gijäni. Ene toprak açýar yşkyň güllerin, Mele suwlar gujagyna guýlanda. Bilýän, bulaň bary Hak tarapyndyr, Hakyň emri bardyr “Söýgi” diýlende. Mahym ROZYÝEWA. | |
|
√ Sumbaryñ kenarynda / Goşgular - 01.01.2024 |
√ Gökdepäm / Goşgular - 22.03.2024 |
√ Düýşgowuran / Goşgular - 08.04.2024 |
√ Garyp köñlümiñ soltany / Goşgular - 21.02.2024 |
√ Puluň başarnygy barada agymtyl goşgy / Goşgular - 10.01.2024 |
√ Moskwadan görýärler / Goşgular - 30.01.2024 |
√ Dünýe... / Goşgular - 11.02.2024 |
√ Estagfurullaly bentler / Goşgular - 14.02.2024 |
√ Düýş hem ýagyş / Goşgular - 09.01.2024 |
√ Ak buýnuzly ak maral / Goşgular - 01.01.2024 |
Teswirleriň ählisi: 0 | |