22:19 Moda hakynda | |
MODA HAKYNDA
Başymda bagana gulakçynym bar, Egnimde paltom bar biçimi sada. Geñirgenip, öwran-öwran äñedip, Gapdalymdan geçdi iki pyýada. Gatnawly köçeden bir gözel barýar, Ketenisi syratyna gelşip dur. Hol beýlede duran iki gyz weli, Göz ümleşip oña bakyp gülşüp dur. Ilki bada añka-tañka bolsamam, Bahym düşündim men bu bolýan zada: Diýdiler: bagana gulakçyn bilen Keteni bireýýäm könelen moda. Işe welsepitli gatnamak ýeñmiş, Ýa-ha maşynly git, ýa-da pyýada. Belli işiñ başyn çatsak-çatmasak, Işeññir görünjek bolmagam - moda. Bir tanşym ýüzüniñ çyrşagyn görmän Özgş at dakmagy edindi kada. Bir seretsem, asyl ýañkyñ öýünde Onuñ bu häsýeti bolupdyr moda. Agzyna gelenni sarnap, sygyryp, Bögürip dur bir aýdymçy pyýada. Bögürse bögürsin indi toýlara Hut şony çagyrmak modamyş, moda. Salam berenimde şol salamymy Alman geçýäni-de görüp nega-da: Içimden diýýärin: "Nätseñ, et weli, Adamlykdan berin aýyrma, moda! Berdinazar HUDAÝNAZAROW. "Edebiýat we sungat" gazeti, 1988 ý. | |
|
√ Wiswisi lakamly obadaşymyň ömür beýany / Goşgular - 25.03.2024 |
√ Siziñki / Goşgular - 30.01.2024 |
√ Eýdip-beýdip... / edebi ýaňsylama / Goşgular - 12.01.2024 |
√ Goltugy daşly adam / Goşgular - 05.01.2024 |
√ Puluň başarnygy barada agymtyl goşgy / Goşgular - 10.01.2024 |
√ "At bilen kowalap gördüler ony..." / Goşgular - 01.01.2024 |
√ Är garrar... / Goşgular - 30.04.2024 |
√ Düýşgowuran / Goşgular - 08.04.2024 |
√ "Gelin jan..." / Goşgular - 26.03.2024 |
√ Atsyz goşgy / Goşgular - 31.01.2024 |
Teswirleriň ählisi: 0 | |