Nobat

NOBAT

Hil-hil bolýar durmaklygam nobata,
Balygyñ, ýeralmañ nobaty bolýar.
Uzak gün durupdyk döwüm nan üçin,
Garaz, her bir zadyñ nobaty bolýar.

Ine, ýazyjylar hatarma-hatar,
Durlar.
Şöhrat nobatymy ýa-da bu?
Olar meýletinler, fronta gitjek,
Olañ ýüreginde gahar-gazap bar.

Kimsiniñ öý doly maşgalasy bar.
Kimsiniñ söýgülsi, ýeke dikrary,
Belki-de... ýok, bu mahal oñ wagty däl.

Ine, ýazyjylar dyknyşyp durlar,
Her kim garaşyp dur öz nobatyna.
Hiç kim goýberlenok nobatsyz bärde.
Çünki Watan howp astynda bu mahal,
Çünki Watan ar almaga çagyrýar.
Başga ýol ýok, front atly bir ýol bar.

Sag-aman dolanyp gelinermikä?
Hiç kimem bu hakda oýlanmaýardy.
Front sary joşa gelýär göwünler,
Görelerçe ýeñşe bolan ynam bar.
Şol gün bu nobaty ähli nobatdan
Ýikary saýdym!

Ýemilian BUKOW,
moldowan şahyry.

1941 ý.

Terjime eden: Allaýar ÇÜRIÝEW.