Pida

PIDA

Ýerleşmese göwnüm içre hasratym,
Harasatym hakydama ýaň salsa.
Görejim gamaşsa ýagtylykda,
Ýa,
Tümlügiň içinde gözüm baglansa.
Ynsabyma dogry gelse edýänim,
Hut şonu-da başa geýen täç saýsam.
Çola ýerde umyt bilen oturyp,
Bulam-bujar pikirlerden saplansam.
Ýatlamany ýagyş kimin ýagdyryp,
Halas bolsaň tupan içre gaýykda.
Dünýä arka diräp ýeňleseň,
Onsoň,
Jahana nazarňy salsaň beýikden.
Gussadan bezigen ýüzlere garap
Bagt seçseň goşawuçlap her kime.
Özüňçe hiňlenseň ýumup gözlerňi
Älemiň owadan, näzik heňine…
Eýse, diňe asmanda däl, gözde-de.
Uçgunly ýyldyrym çakýan ekeni.
Men şeýlebir haýran galdym düşünip:
Asmany owadan görkezmek üçin
Ýyldyzlar özüni ýakýan ekeni.

***

Ýyllar geçýär. Köp ýatlaýan geçeni.
Başaramok çagalykdan gaýdyp men
Ýagyşly howada kimdir birini
Gözleýän gussaly aýdym aýdyp men.
Şu ýaşymda äýnek dakdym gözüme
Müňkürligim mejbur etmedi muny.
Dünýäde barlygmy unutdamdan son
Garalan gijeler gozleyar meni
Garalan gijeden gözleýän indi
Ýagyş gelse ýalňyzlygym terk edýär.
Soň teselli tapýar naçar ýüregim
Ine şeýdip men özüme erk edýän
Hut Seni dünýäniň ýitiren ýerin
gözleýän görejim hanama sygman
Penjelenmez pikrim başga bir zada
Çünki, men agtarýan eziz birini,
Şu aýazly hem ýagyşly howada.

Gülnar GELDIMYRADOWA.