Pol Robsona

POL ROBSONA

Bize aýdym aýtdyrmaýarlar, gardaş,
Garañky-tümlügiñ, zulumyñ eli
Biziñ agzymyzy baglajak bolýar.
Eý, bürgüt ganatly, halkyñ bilbili,
Pälwan negr, dür dişleriñ ýyldyrýar,
Ähli zatdan heder edýär melgunlar.
Gorkýar olar säher şapagyndan hem.
Gorkýarlar täzeden, akyl, duýgudan.
Biziñ demimizden gorkýarlar bu dem.
Gorkýarlar ýatmaga, görmäge olar.
Gorkýar olar,
oýlanmaga gorkýarlar.
Perhat söýgüsinden güýçli söýgimiz,
Aýdymymyz halkyñ göwnüniñ şady.
(Belki, Perhadyñyz bardyr siziñ hem,
Habar ber, gardaşym, kim onuñ ady?)
Gorkýar olar toprakdan hem ekinden,
Gazap nahalynyñ ösýän kökünden.
Zähmetkeş halklaryñ gazaby çäksiz,
Dar dünýäni böwsüp barýar ol gazap.
Şonuñ üçin bizden gorkýarlar çaksyz,
Gorkýar olar aýdymmyzdan sandyrap!

1949 ý.

Nazym HIKMET.

Terjime eden: Ata ATAJANOW.