Rubagylar

RUBAGYLAR

Ölden ýasap pahnasyny,
Külden ýasap sahnasyny,
Görüň, ýigdiň “paýhasyny”,
Görüň, ýigdiň sähnesini...

29.09.2020

***

Bu-da tebigatyň bir döredeni,
Agzy, burny, gözi, ýerinde teni,
Ýöne beýnisinde otyr şeýtany,
Horlap nätjek muny,
Aparaý pany!..

29.09.2020

Bir kişi bar – çynyň aýtsaň kör eder,
Oturan ýeriňi dowzah köz eder,
Ile-güne göz eder,
Ýurduň tozadar.

“Eý, Allam, nämeler samraýan?” diýip,
Oýlanyp otyrkam, kakyldy gapy.
Görsem, ýetim goňşym eken,
Köşeşdim.
Çyn eken gorkanym gaty!..

30.09 –11.10.2020.

RUBAGY

“Ştangaçy”-- at alanyň köpüsi,
Olar üçin açyk “şöhrat” gapysy,
Çyn zehiniň baýrak bilen işi ýok,
Körzehiniň arkasynda apasy...

11.10.2020.

***

Eýsem az boldumy däli halatym,
Orta ýolda büdüredi ak atym.
Ýitirdim özümi, tapdym özümi,
Şeýde-şeýde öz-özümi tanadym...

11.10.2020.

***

Ýarygije oýanyplar taň etdiň,
Süýji ukudadym, maňa jaň etdiň.
Şum habara werdiş bolan ýüregim,
Bu gezegem howsalamy jar etdim.

12.10.2020.

Gadymýetiň niçeme geň zadyny,
Görüp diýdim: “Ertekimi, jadymy?”’
Jan beripdir gaýalara, daglara,
Atam ýazyp bilmese-de adyny...

13.10.2020.

• IKILEME

Daşdan gelen çapmaz eken bagyňy,
Içden gözle mydam ýürek agyňy.

11.10.2020.