Bolmaýar şahyrlañ terjimehaly..

BOLMAYAR ŞAHYRLAÑ TERJIMEHALY

Gülüp gelen günleň raýyny ýykmaň,
Ýykmaň gülüp berlen gülleň raýyny!
Şapakdan özüne köýnek tikilen,
Synlaň gyzlaň daňa meňzeş roýyny.

Säherler gül ysyn getiren şemal,
Agşamlarna ysyn getirse selmäň.
Hatda şatlygňyzy çelpek deý syrsa,
Raýyny ýykmaň, göwnüne degmäň.

Tüm gijeleň tüýli döşüni sermäp,
Ýazylan setirleň raýyny ýykmaň.
Şahyrlaň päkize kalbydyr şygyr
Hemem söýgi, aýdym siňdirlen ykbal.

☆☆☆

Bolmaýar şahyrlaň terjimehaly,
Olaň çapraz-çapraz ykbaly bolýar.
Şeriň garşysyna, tersine Alyň
Gylyjyny syryp çykýany bolýar.

Bakman gonorarna – gün yraryna,
Ozalam ýüregniň ýara halyna,
Batyryp ýüregniň gara ganyna,
Hakykaty ýazmak hökmany bolýar.

Şahyrlaň ýüregi misli öwlüýä,
Oňa diňe halk hasraty gömülýä,
Iliň demir derdin posa öwürmän,
Magnit dek özüne çekýäni bolýar.

Gurbandurdy Orazow