13:37 Saralyp giden hatlardan |
SARALYP GIDEN HATLARDAN
Men gaýtdym gözlerňi galdyryp ýolda,
Bararyn men toý köýnegiň geýde çyk.
Bularyň baryny duýýan hyýalda,
Sallançakda oglum ýatyr eýjejik.
Ýalazy meýdanlaň aňzagna dözen,
Tükenmez işine gümradyr enem.
Özi dört inerniň ýerine galan
Garryja atamyň hallary neneň?!
Aý aýdyň gijäniň gumak ýollary,
Tukatdyr, gyz göçen öýe meňzeşdir.
Ýatly agşamlarna çaýlaşanmyzy,
Enemiň hum çäýneklerni demleşdir.
Keramatyn duýup ýörün o ýeriň,
Hemem pyşyrdyňy eşidýän daşdan ýar!
Iki menzil golaýynda Oderiň,
Biz okopda, basym söweş başlanýar.
Gurbandurdy ORAZOW.
|
Категория: Goşgular |
Просмотров: 310 |
Добавил: Gurgencli
| Теги: Gurbandurdy Orazow
| Рейтинг: 4.0/1 |
Awtoryň başga makalalary
Goşgular bölümiň başga makalalary