18:49 Sen geldiñ-de... | |
SEN GELDIÑ-DE...
Sen geldiñ-de, Garyp köñlüm baý etdiñ. Ýöne, Nämüçindir Ynjalygym ýok. Sen maña bagt berdiñ örän ullakan, Ony nädip gorajagmy bilemok. Ýöne Säher-säher bagtymy öpüp, Görýän öz-özümi seniñ gözüñde. Herhal, ýolda ýatan daş däl ekenim, Artyk däl ekenim ýeriñ ýüzünde. * * * Menem söýdüm söýülmedik juwany, Menden başga bagtly baryn bilmedim. Ýöne mydam Aý astynda dostlarmyñ Söýgi hakda söhbetini diñledim. Menem bagtly boldum ýagty dünýäde, Menden başga bagtly baryn bilmedim. Ýöne ot başynda dünýäni undup, Bagtlylaryñ söhbetini diñledim. Ýok, men muny bilgeşleýin edemok, Adamlara gulak asman bilmedim. Begendim, gynandym, söýdüm, ýigrendim, Elmydama özgeleri diñledim. Indi bilenimden ýazýaryn aýdym, Öz-özümden monça bolýan, ýeñleýän. Ýöne sähralara çykamda, ýene Özgäñ düzen aýdymyny diñleýän. Gurbannazar EZIZOW. | |
|
√ Ak buýnuzly ak maral / Goşgular - 01.01.2024 |
√ Şemally gün / Goşgular - 27.01.2024 |
√ Hasap / Goşgular - 18.02.2024 |
√ Garyp köñlümiñ soltany / Goşgular - 21.02.2024 |
√ Owadan pyçak hakynda erteki / Goşgular - 09.04.2024 |
√ Atsyz goşgy / Goşgular - 31.01.2024 |
√ "Bagşylara" / Goşgular - 07.02.2024 |
√ Mürze ýigit / Goşgular - 12.03.2024 |
√ "Gitdim senden ilerledip ümzügi..." / Goşgular - 01.01.2024 |
√ Was-wasylara... / Goşgular - 23.01.2024 |
Teswirleriň ählisi: 0 | |