01:32 Tanyşlyk | |
Berdinazar HUDAÝNAZAROW
▶ TANYŞLYK Tanaman çiňerlip dursuň ýüzüme, Eý Dünýe, menem bir ynsanyňdyryn. Bu pany jahanda, bu ýalançyda Diňe dogry sözi küýsäniňdirin. Özüm özümiňki däl dogup döräp, Şer iş köpeldikçe meň halym harap. Öňeten ýylpylda biperwaý garap, Mal däl - mylakata suwsanyňdyryn. Seret, pese tagzym edýär beýikler, Çyn egsigip, Ersip barýar galplar. Adam dälem adam etjek boluplar Ýören sähnesypat Gulhanyňdyryn. Çoýmaga Gün, aňkarmaga Aý berip, Gara kellä müň bir pikir-oý berip, Şarpykdan, ýumrukdan ýetik paý berip, Maňlaýymdan seýrek sypanyňdyryn. Bolandyryn saňa şeýle bir belet, Ýylgyrşyň ýasama, gurluşyň galat. Şonda-da gözüme pugtarak seret: Yşka düşen däli-porhanyňdyryn. Şahyrlar harlasa öz senedini, Tabşyrdygy bolar amanadyny. Eý Dünýe, henizem tanamadyňmy - Kem-kem sabap barýan ynsanyňdyryn. | |
|
√ Garaş maňa / Goşgular - 17.02.2024 |
√ Gowy görülen goşgy / Goşgular - 05.01.2024 |
√ Sowuk söz / Goşgular - 31.01.2024 |
√ «Превратила всё в шутку сначала…» / Goşgular - 29.02.2024 |
√ "Gelin jan..." / Goşgular - 26.03.2024 |
√ Soltan / Goşgular - 27.03.2024 |
√ Düýşgowuran / Goşgular - 08.04.2024 |
√ Жизнь / Goşgular - 29.02.2024 |
√ Nokat / Goşgular - 28.01.2024 |
√ Siziñki / Goşgular - 30.01.2024 |
Teswirleriň ählisi: 0 | |