TOPRAGYM
Sen mukaddes böleklerden ybarat,
Däne-däne, hana-hana topragym.
Seni söýüp bagtly men, medet ber
Ykbalymy baglamaga topragym.
Seň alyn deriňe – ýodalaryňa,
Gitdim, goltgy berdiň bat alaryma,
Ýollary rowaç balalaryňa,
Sähraň haly agnamaga topragym.
Hasratdyr belalardan goraýan,
Hossarym sen dertli günüm soraýan,
Yssy tapdym ojagyňda köreýän,
Süňňüm çoýup jagramaňa topragym.
Waspyňa ýagşy söz diýmek minnet däl,
Gül keşbiňden gana-gana topragym.
Goýnuňda kemala geldim minnetdar,
Duzuň iýip aga-ýana topragym.
Gurbandurdy ORAZOW.