18:29 Wagt hakda bäş kelam | |
WAGT HAKDA BÄŞ KELAM
Dünýä döräp ýaşan bir adyl kazy, Döwürleň, eýýamlaň ol hasapbazy. Öz kanuny bilen çykarýar höküm, Adalatam özi, jelladam özi. * * * Gör bak wagtyň süýnüp geçip barşyny, Hiç kimsä ýetdirmän gaçyp barşyny. Ynsan oň hökmünden goranjak bolýar, Ol bolsa kertip ýör, daglaň gerşini. * * * Islesekde,wagty saklap bolmaýar. Sekund geçdi,yza gaýdyp gelmeýär. Geçmişi barlyk bil,geljek gümana, Häzir ne iş boljak hiç kim bilmeýär. * * * Wagtyň goýan tagmasyndan gaçma ýok. Wagt köprüsinden yza geçme ýok. Wagt duşumyzdan derýa deý akýar, Arman,oň suwundan ganyp içme ýok. * * * Geçdi gitdi,geçdi gitdi bu pursat, Kä gysyldy, kä gyýyldy bu gursak. Durmuşyň gyzygy bormydy heýde, Elmydam şu ýaşda, şu durkda dursak. Azat NURGELDIÝEW. | |
|
√ Nar / Goşgular - 22.04.2024 |
√ Nädip ýaşamaly?! / Goşgular - 13.01.2024 |
√ Goltugy daşly adam / Goşgular - 05.01.2024 |
√ Düýş hem ýagyş / Goşgular - 09.01.2024 |
√ "Diýdiñ: Gelin bolup görkezeýinmi?.." / Goşgular - 14.02.2024 |
√ Atsyz goşgy / Goşgular - 31.01.2024 |
√ "At bilen kowalap gördüler ony..." / Goşgular - 01.01.2024 |
√ Ynanarmykan? / Goşgular - 30.01.2024 |
√ Жизнь / Goşgular - 29.02.2024 |
√ Şemally gün / Goşgular - 27.01.2024 |
Teswirleriň ählisi: 0 | |