04:59 Watana ýüzlenmek | |
WATANA ÝÜZLENMEK
Ýaýnadym goýnuňda, ulaldym erkin, Katdyna ýetdi boý-syratym meniň. Bagladym topragňa ýüregmiň örkün, Ýaşyl ýaýlalaňdyr zynatym meniň. Bilinse, ýagşydyr her zadyň çeni Lälik saklap gezdiň, galmady kemi. Besdir indi, bu gün ýola sal meni, Egsilmezdir güýjüm-gaýratym meniň. Ýükle ýüküň, döz geler meň girenim, Uzak ýolda sargydyň bor hemdemim, Geçirer hatarly, howply ýerdenem Hujuwdan ýasalan ganatym meniň. Sahy sen, ýanyňda Hatam bir sandyr, Eçildiň, baýlygym sanardan kändir. Saňa bolan söýgim bilen wepamdyr Iň beýik hazynam-döwletim meniň. Ýürekden alkyşlap bahar-ýazyňy, Ödärin tamaňy, beren duzuňy. Saýlap-seçip söz içinden uzuny, Ýetirer waspyňy sungatym meniň. «Wah» diýmen sen meni käteler gynap, Otlarda, suwlarda görseň-de synap. Haklysyň, hiç mahal goýmagyn sylap, Duşaýsa ejizlän halatym meniň. Italmaz NURYÝEW. | |
|
√ Wiswisi lakamly obadaşymyň ömür beýany / Goşgular - 25.03.2024 |
√ Alabahar / Goşgular - 21.03.2024 |
√ Dünýe... / Goşgular - 11.02.2024 |
√ Kyrk ýaşa ýeteniñde / Goşgular - 03.02.2024 |
√ Puluň başarnygy barada agymtyl goşgy / Goşgular - 10.01.2024 |
√ Sumbaryñ kenarynda / Goşgular - 01.01.2024 |
√ "Diýdiñ: Gelin bolup görkezeýinmi?.." / Goşgular - 14.02.2024 |
√ Aldawçynyñ pañ-pañy / Goşgular - 18.01.2024 |
√ Nokat / Goşgular - 28.01.2024 |
√ Mürze ýigit / Goşgular - 12.03.2024 |
Teswirleriň ählisi: 0 | |