Главная » 2018 » Oktýabr » 21 » Ýazsañ..
11:02

Ýazsañ..

Ýazsaň, gijäň keýpi zereň goýnunda,
Aý asmanda ýüzün sallap otyrka.
Ýazsaň dünýäň ähli derdi boýnunda,
Asyl-asyl bolup, aslyşyp durka.

Ýazsaň, ýyldyzlary tesbi deý sanap,
Bar mydaryň gaçyp, aýylsa essiň.
Ýazsaň, ýürekdäki ýaralaň ganap,
Gijeligi ukusyndan oýatsyn.

Ýazsaň, ýanyp setirleriň derdinden,
Ýassyk edip duýgularyň dessesin.
Ömrüň ýaryn owarrama berdim men,
Köňle goýup rakyplaryň kyssasyn.

Ýazsan, tagty arzuw edip özüňe,
Diläp şygryň bilen baky galaryň.
Men şeýle bir tagt salaryn özüme,
Şonda maňa gözi gider şalaryň.

Şähribossan GELDIMÄMMEDOWA.
Категория: Goşgular | Просмотров: 653 | Добавил: Zerinaý | Теги: Şähribossan Geldimämmedowa | Рейтинг: 3.0/2
Awtoryň başga makalalary

Goşgular bölümiň başga makalalary

√ Gowy görülen goşgy / Goşgular - 05.01.2024
√ Soltan / Goşgular - 27.03.2024
√ Ynanarmykan? / Goşgular - 30.01.2024
√ Gökdepäm / Goşgular - 22.03.2024
√ Estagfurullaly bentler / Goşgular - 14.02.2024
√ Tilki bilen üzüm / basnýa / Goşgular - 10.01.2024
√ Käbir aýallara melek diýýäñiz / Goşgular - 04.02.2024
√ Düýşgowuran / Goşgular - 08.04.2024
√ Tazy / Goşgular - 30.01.2024
√ Was-wasylara... / Goşgular - 23.01.2024

Teswirleriň ählisi: 5
2
1 Garaýolly  
27
Gowy goşgylar

0
2 Zerinaý  
5
Ataň aýtdy, tawus guşuň,
Başyna ýelek bolupsyň.
Gözüň-ä ýanyp dur:muşyn,
Özüňem gülek bolupsyň.

Käte suwa ýakyşmasaň,
Atlara iým döküşmeseň,
Taýlar bile böküşmeseň,
Sen ony telek bilipsiň.

Öýňüzi çekdi-de keşdim,
Sowuldym, düşledim, geçdim,
Soň meň garyp adym eşidip,
Yzymda elek bolupsyň.

Tapyp bir ganym usulyn,
Ömrüň gül açan pasyly,
Perýat saňa, bedasylyň,
Aýagna dolak bolupsyň.

Agladan belendi-pesi,
Bossanda gülüň täzesi,
Eý, Çyn şähriniň käsesi,
Itlere ýalak bolupsyň.

Gaçyp gaýdypsyň gizlenip,
Ele düşüpsiň gözlenip,
Ýoluma dikip gözleriň,
Aglaýyp bulak bolupsyň.

Gaýtdym ýanyňa durmadan,
Ardym uzak ýol ýörmeden,
Barybir seni görmedim,
Behiştde melek bolupsyň.

Şähribossan Geldimämmedowa

1
3 Zerinaý  
5
"Ýoluma dikip gõzleriñ
Aglayyp bulak bolupsyñ..

..Barybir seni gõrmedim
Behiştde melek bolupsyñ"

2
4 Garaýolly  
27
Ajaýyp goşgylar.
,,Omruñ yaryn owarrama berdim men,
Koñle goyup rakyplaryñ kyssasyn".
Gor,nahili dunya yaly giñ gowrumlilik bilen aydylan sozler.Shahribossanyñ shygyryetiniñ cyn poeziyalygy hem sheyle hasiyetliginiñ kopliginde-da! Onuñ goshgylaryny unsli okasañ ynsan añynda pugta samawat rishtesiniñ berk baglanyp durandygyny añlasa bolyar.

2
5 Gumlygelin  
8
Ýazanyñ,ýetireniñ galamyna hem ömrüne bereket bersin.

Teswiri diňe saýta agza bolan ulanjylar goşup bilýär.
[ Agza bol | Saýta gir ]