Главная » 2021 » Oktýabr » 7 » Ahwallary näletlemäň!
01:41

Ahwallary näletlemäň!

AHWALLARY NÄLETLEMÄÑ!

Bolsa bolup geçsin ýaman,
Näletlemäň ahwallary.
Ýogsamam diňe göni ýol
Bezenog-a ykballary.

Taplanýandyr bu ömrümiz
Çarkandagy, çaňy bilen.
Söýüň, ömrüňizi söýüň
Bar ýetmezi, kemi bilen.

Ahwallary näletlemäň,
Sapak alyň siz tersine.
Ynanyň, şol ahwallaram
Berlip duraýanok her kime.

Büdrediňmi, ýykyldyňmy,
Gyýyldymy ýüregiňem?
Atlanyň gaýta umyda,
Ondan düşmäň deregine.

Tiz ulalar ýaşyndanam
Gögelekä şarpyk dadan.
Çöder ahwal başyňdamy,
Diýmek, kämilleşýäň, Adam!

Agageldi Italmazow.

Goşgular
Категория: Goşgular | Просмотров: 329 | Добавил: Lebaply | Теги: Agageldi Italmazow | Рейтинг: 3.3/3
Awtoryň başga makalalary

Goşgular bölümiň başga makalalary

√ Ýagşy niýetler / Goşgular - 08.01.2025
√ Bir dem ol dilber jemalyndan yrak olmak ne güýç... / Goşgular - 01.01.2025
√ Eýledi ýar meni dert ile awara, medet... / Goşgular - 12.01.2025
√ Kowusnama: Bedew edinmek hakynda / Goşgular - 12.01.2025
√ Söýlemezlik harjysy söýlemegiň hasydyr... / Goşgular - 04.01.2025
√ Hatty benewşe, haddy läle, zülpi reýhandyr... / Goşgular - 12.01.2025
√ Dil pyrak odunda ýandy, galdy jan hijran era... / Goşgular - 12.01.2025
√ Şaglawuk / Goşgular - 02.01.2025
√ Rubagylar / Goşgular - 10.01.2025
√ Dünýä maňa aşyk bolsun! / Goşgular - 07.01.2025

Teswirleriň ählisi: 1
0
1 mango  
651
Büdrediňmi, ýykyldyňmy,
Gyýyldymy ýüregiňem?
Atlanyň gaýta umyda,
Ondan düşmäň deregine.

şu umyda atlanmak bilen, umytdan düşmezlik kelläni bulaşdyrýar....
"atlanyň... umyda" diýende, biz umyda atlanmadyk bolýas...
"...umytdan düşmäň (deregine)" diýende-de biz näme-de bolsa umyda atlanan ýaly görünýäs.
biz häzir umyda atlanan bolup ondan düşmeldälden bolýasmy, ýa-da indi atlanmalydan bolýasmy?

Teswiri diňe saýta agza bolan ulanjylar goşup bilýär.
[ Agza bol | Saýta gir ]