Aý suwa düşdi

AÝ SUWA DÜŞDI

Öten agşam Hanhowuzyñ kölünde,
On dördün dolduran Aý suwa düşdi.
Suw tolkundy, halka-halka bölündi,
Ak bedenli çynar-boý suwa düşdi.

Aýna ýaly durlanan suw enaýy,
Meger, bu köl häzir baýyñam baýy.
Yşky gözellikde tapmarsyñ taýy,
Pikir ganatlanyp, köý suwa düşdi.

Gökde bir Aý, kalpda bir Aý göründi,
Nurdan ap-ak bolan gije gerindi,
Aşyk ýürek joşmanam, bir gör indi,
Gyz görkün güjeñläp, roý suwa düşdi.

Sary DURDYÝEW.