Bahar

BAHAR

Ýene men şadyýan,
Durmuşdan hoşal.
Bu durmuşym hut ilkinji düýş ýaly.
Ynha, şeýle diýýär galyñ "Kapital".
Şahyrlaryñ
Öz kanuny bolmaly.
Syrgyn, uwla indi,
Uwla jyn bolup
Gaý, kakyber, äpişgämi, işigmi,
Indi men otyryn öýde aýñalyp,
Keýpim kök,
Edýärin taşlap işimi.

Çüýrýk adamlara rehim etmäñ,
Rehim gerek däl meñ özüme hem
Nesihatym ugruna hiç seretmäñ,
Syrgyna başyny egse kimde-kim.
Salam, eý, geçiguş,
Çekinme menden,
Geliber ýanyma,
Saña degmerin.
Gel, geçiguş,
Böküp otlañ üstünden,
Goý, seniñki bolsun öz saýlan ýeriñ.

Aýlanmak kanuny bar bu älemde,
Ol kanun -
Jandarlañ gatnaşygydyr.
Ýaşaýarsyñ adamlaryñ içinde
Ýat, otur sen göwnüñ islän ýerinde:
Guşlar-da dünýäniñ ýaraşygydyr.

Salam, meniñ garyp, ýalñyz deregim,
Ýadyñdamy saña ezýet berenim?
Seniñ geýmiñ ýyrtyk,
Ýüzüñ-de salyk.
Hellewlärsiñ täze eşiklu bolup.
Aprel gelip, senden hiç zat soraman,
Geýdirer başyña ter ýaşyl telpek,
Gider bu ýerlerdeb aýaz, ak duman,
Gujaklar bilinden näzijek peçek,

Syrgynly ýelini iberende güýz,
Sen syrgyndan üstün çykaryñ ýaly,
Bedreläp suw berer saña körpe gyz,
Teşneligñi gandyrar ol mazaly.

Gijeler üstüñe
Şöhle salar Aý.
Aýy ogurlanok ykmanda itler.
Ol diñe gizlendi,
Tapyp gizlin jaý,
Ganly uruş eden wagty ýigitler.
Dawalar gutardy,
Indi Aý peri,
Gülgün şöhlesini äleme dökýär.
Synlamaga
Ýaşyl geýen ýerleri
Gijesine göge seýrana çykýar.
Eý, kalbym, ýazy iç
Şerbet içen dek!
Bu gün maña
Täze goşgular gerek!
Köp uklaýan,
Meniñ kalbymda bahar,
Gije horazlara edemok gahar

Eý, toprak!
Men saña diýmerin demir,
Demir pyntyklamaz
Hiç haçan - ömür!
Eger "Kapitalyñ"
Birje setiri
Göwne makul bolsa -
Aýdyñ bar ýeri.

Sergeý ÝESENIN.

Terjime eden: Allaberdi HAÝYDOW.