Başar

BAŞAR!

Päk zähmet  çek, gara nebse erk etgin,
Bikärligi, ýaltalygy terk etgin.
Ilin tersine däl, ugryna gidip,
Ýollaryñ dogrysyn saygaryp başar!

Durmuş akyp barýan derýa deý misli,
Geçip gidip barýar adamzat nesli.
Başyñdan geçirip ayazly pasly,
Kuýaşly bahara yetmegi başar!

Sarpasyn belent tut atañ hem enäñ,
Olary ynjytmak ulysy günäñ.
Haka yetsin diýseñ kelamyñ, senañ,
Şolañ alkyşyny almagy başar!

Başy aşakdadyr miweli bagyñ,
Päliñe görädir ýagdayyñ, tabyñ.
Eçilip mätaje  goluñda baryñ,
Ýagşy päl-niýete uýmagy başar!

Nurberdi GOÇMEDOW.