Çyrpynýan duýgularyñ owazy

ÇYRPYNÝAN DUÝGULARYÑ OWAZY

Maral Annanurowanyñ ady togsanynjy we geçen 2000-nji ýyllaryñ metbugata giñden tanyşdyr. Maral gelnejäniñ zehini birbada üç ugurda: nakgaşlykda, poeziýada, publisistikada gül açdy. Okyjylar ýurdumyzda çykýan gazet-žurnallarda onuñ şygyrlarydyr publisistik makalalaryny okandyrlar, çeken suratlaryny synlandyrlar. Hersi sungatyñ bir görnüşine degişli bolsa-da, olaryñ ählisinde-de çyrpynýan duýgularyñ owazy ýañlanýar. Owazly şygyrlar, owazly makalalar, owazly suratlar. Şol bir wagtyñ özünde-de, onuñ döredijiliginiñ ähli şahalary filosofiki pikirleriñ, ynsan ömrüniñ manysy hakyndaky oýlanmalaryñ agramyndan ýüküni ýetirýär.
Sahypamyzyñ şu sanynda Maral Annanurowanyñ 1994-nji ýylda "Diýar" žurnalynda çap edilen "Saz", "Mukam", "Nergiz" atly üç suratyny paýlaşýarys.



Okyjylaryñ bu nepis suratlaryñ owazly dünýäsine melul boljakdygyna ynanýarys. Maral gelnejä bolsa ylhamynyñ ylaýym joşup durmagyny arzuwlaýarys.