Durmuş sapaklary

DURMUŞ SAPAKLARY

■ Eplenmeseñ ~ eklenmersiñ

■ Ýüz bermeseñ ~ ýüz bermezler.

■ Ýüzüñ üstünds burnuñ bolmasa, äýnegi gulak saklamaz.

■ Myhmanyñ üç gün gün, üç günden soñ ~ üç gün?

■ Gepiñi gögertjek bolsañ, akyllyja dökün ber.

■ Gepini gyşardyp gepleýäniñ agzy gyşararmyş.

■ Sözi sazlaşdyrmak añsat, pikiri sazlaşdyrmak kyn.

■ Okuñ hem goşgynyñ hem nyşanasy ýürek, ýöne olañ biri heläk edýär, beýlekisi ~ halas.

■ Akylyñ bolsa akylyña eýer, akylyñ bolmasa ~ nakyla, nakylyñ bolmasa - halkyña.

■ Owaldan gyzyñ suratyny çekýän hudožnik Hudaýyñ ýasan sungatyny surata öwürýär.

■ Ile çykmaga ýüzüñ bolmasa, ili öýüñe çagyr!

■ Deñziñ suwy topugyndan bolýan adam - derýada gark bolar!

■ Myhmany söwüşläp ugrat,
Duşmany köwüşläp.

■ Dowzahyñ ody çaý gaýnatmaga ýaramaz.

■ Gepiñ içindäki "güjükden" köpek çykmaz.

■ Aýagyna beýik ökjeli köwüş, kellesine çüri telpek geýeniñ boýy öñküligine galýar.

■ Algyly bolanyñdan ~ arzyly bol!

■ Tomsuna deñze git, gyşyna - daga!

■ Özüñi tutmak üçin ogurlyk etseñ, özüñi tutarlar.

■ Ömrüñi ýele berenden, köñlüñi ýele ber!

■ Işdäñ açygam bolsa, lebziñi bir ýuwutma!

■ Özüñe dözmän, sowmaduk pullaryñh sadakañda sowarlar.

■ Kynçylykda özünu ýitiren ~ ömrüni ýitirer.

■ Dert üstüne dert gelende, köne dert gümd gider.

■ Atylan ok daşa degmese, yzyna gaýtmaz.

■ Şahyr, halk içinden çykanam bolsañ, halkyñ içinden çykma.

■ Sen aýna seredeñde, öz ýüzüñ bar ýaly bolsa, goşgyña seredenlerinde, öz ýüzüñ görünmeli.

■ Zehin saña özüñi däl-de, özgeleri bagtly etmek üçin berlendir.

■ Dünýäde tanaljak bolsañ öñürti dünýäni tana.

■ Oñşugy bolmadyk ~ goñşuly bolmaz.

■ Gazana ýanaşsañ garasy ýokar,
Azana ýanaşsañ ~ ýarasy.

■ Karz beren puluñ özüñki däldir.

■ Azy ýaranyñ ýanynda agzyñy ýarma.

■ Iliñ zadyny iýjek bolsañ, ýa toýa bar ýa-d sadaka görün.

■ Gawunyñ gowusyny şagala iýdirer ýaly garawulyñ nä agzy tagam bilenokmy?

■ Aññalak gapandan çaññalak çap.

■ Günäñi hammamda ýuwup bolmaýar.

■ Söýgüsi sowanyñ ~ beýnisi sowar.

■ Iliñ malyna göz diken ~ öz malyndanam dynar.

■ Göz-gaşlaryna çalynýan zatlaryndan çen tutsañ "gözboýaçy" diýilýän şolar bolmaly.

■ Ýagyş ýagjagyny habar berjek bolanda ~ gök gürleýär.

■ Ýüzüñe gülseler, ýüzüñi gizläre ýet ýer tapmaýarsyñ.

■ Oñat oturmasañ, oturdarlar.

■ Agzyña geleni aýdyberme, aklyña gelenini aýt!

■ Erbet ýazylan eser hem nusga bolup bilýär, nähili ýazmaly däldigini bilmek üçin.

■ Gülere zat bolmasa, gülüşdirere zat zat tapylmaz.

■Eli gysgañ ~ dili gysga.

■ Kelläñ bolmasa, kelläñ bilen jogap berip bolmaýar.

Atamyrat ATABAÝEW,
Türkmenistanyñ Halk ýazyjysy.