|
GARA TUT
Tut bişipdir —
Gara tut.
Dökülip dur ýere tut.
Özi ýeke bolsa-da,
Ýetjek hemmelere tut.
Uzyn-uzyn gollaryn
Aşaga egip iýdik.
Kim okara,
Kim jama,
Kim käsä ýygyp iýdik.
Elimizdir, Ýüzümiz
Gara reňke boýaldy.
Oglanlara hiç welin,
Gyzjagazlar uýaldy.
Bir-birege gülüşdik:
"Masgara-da,
Masgara!"
Hemmämize tudana
Murt ýasapdyr gas-gara.
Hemra ŞIROW.
|
|
Категория: Çagalar edebiýaty |
Просмотров: 362 |
Добавил: Dunyagozel
| Теги:
| Рейтинг: 0.0/0 |
Awtoryň başga makalalary
Çagalar edebiýaty bölümiň başga makalalary
