Baýrak

BAÝRAK

("Öwre" hem "çöwre" ýüzi)

Baýrak - ak aýlawda ykrar edilmek,
Baýrak - çyn zehine kesilýän baha.
Baýrak - özüñ satmak, "dymmak" - egilmek,
Baýrak - el uzatmak elýetmez şaha.
Baýrak - baýrynmaga tutaryk, sebäp,
Baýrak - uçradýan zat "men-menlik" derde.
Baýrak - çiş, hantamañ ýüregi kebap,
Baýrak - körzehinler bukmaga perde.
Baýrak - halal kişä-haýyr, şere-şer,
Baýrak - bakylyga dalaş-synanşyk.
Baýrak - it boýnuna dakylýan göwher,
Baýrak - alçy gopýan bir "altyn aşyk".
Baýrak - kepilnama dowzah odundan,
Baýrak - görip dostuñ böwrüne gamam
Baýrak - berilýän zat "halkyñ adyndan",
Baýrak - sal-sal göwne salynýan ýama...

Hemra ŞIROW.