Hökümdarlaň mazarlary nirede?

HÖKÜMDARLAŇ MAZARLARY NIREDE?

Müňläp-müňläp hökümdarlaň atlary...
Saklapdyr taryhyň gadym gatlary.
Ýöne olaň mazarlaryn tapmadym.
Ünji edip ýatmadym,
Ünjülerden ýadadym.
Oýlandym bu hakda, aýladym serde,
Hany hökümdarlaň mazary nirde?
Niredekän Sebuktegin gabyry?,
Hany Seljuk, Togrul Çagryň gubury?
Ber Mälik şa, Nyzammülkden habary!
Tapylmady ugratsam-da çapary.
Nirede ýatyrkan Mahmyt Gaznaly,
Nirden gözlemeli Alp-Arslany,
Hany Mamun, hany Atsyz, Altyntaş,
Hany Tekeş, Türkan hatyn – galam gaş.
Horasany, Hopezmi sarsdyran,
Müňläp-müňläp merdi dardan asdyran,
Hany Muhammediň “kaşaň mazary”?
Şeýdip bu gije men çekdim azary.
Galmyşam bu gije bir agyr derde,
Çingiz han, Çagataý, Baty nirede?
Gaty kän şalary aýladym serde.
Tapmadym olaryň mazarlaryny,
Çekmişem bu gije azarlaryny...

22.11.2023.