Kelle barada henekler: Aýaly ýaraman başlandan soňra äri howsala düşüp, "Tiz kömege" jaň edýär: -Alýo, "Tiz kömek", gaýrat ediň-de geläýiň-dä. Aýalymyň kellesi çat açyp gelýär. Gyzgynam bar... -Beýikmi? -Ýok-laý, beýik nirden bolsun. Onuň boýy bary-ýogy bir metr altmyş santy. "Tiz kömegiň" zemmerine arkaýynam sygýa...
Oglanjyk bilen ejesi ýöräp barýarka, oglanjyk ejesine depesinde gyl galman düşen adamy görkezýär: -Eje, seret, ol daýynyň kellesi şyr-takyr... -Ýuwaş oglum. Birden ol daýy eşidäýmesin. Oglanjyk gözüni tegeleýär-de, çar-töweregi ýaňlandyryp, güňleç pyşyrdaýar: -Näme o daýy özüniň şytyr kelle bolup galandygyny bilmeýärmi?
Äri bäbekhanaň öňünde durup, dördünji gatyň penjiresinden özüne garaýan aýalyna gygyrýar: -Dogrup bolduňmy? Aýaly jogap berse-de äriniň eşitmejekdigine düşünip, ýylgyrýar-da baş atýar. -Oglanmy? Aýaly başyny ýaýkaýar. -Onda kim?-diýip äri aňk-taňk bolup soraýar:-Adammy bir özi?
-Näme üçin horazymyz towugy basalanda çüňki bilen onuň kellesine urýar?-diýip oglanjyk kakasyndan soraýar. -Dagy-duwara özüniň aýlygyny bukmaz ýaly etmek üçin...-diýip aýalynyň aýlygyny gizlän ýerini tapman, kösenip ýören kakasy hüňürdeýär.
Hukuk maslahathanasyna ýüzi göm-gök edilen biri gelýär-de, maslahatça sowal berýär: -Eger-de men notariusyň görkezen ýerine gol çekmän bäşinji gezegem onuň azap edip ýazan şertnamasyny zaýalasam, onuň kanun boýunça meniň kellämden penjeläp, meniň ýüzümi şol zaýalan şertnamalaryma oýkamaga hukugy barmy?
Boks boýunça täze türgenleşige başlan ýigit tälimçisine sowal berýär: -Tälimçi aga, şü boks boýunça näçe wagt türgenleşenimden soňra mende nähili üýtgeşmeler başlar? -On ikinji gezek kelläňe ýumruk degenden soň kelläň kädä öwrüler-diýip tälimçi jinnek ýalam säginmän jogap berýär.
Oglanjyk ejesinden soraýar: -Eje, näme üçin kakamyň kellesinde juda azajyk saç galypdyr? -Sebäbi ol iňňän akylly we örän köp pikirlenýär. -Onda seniň kelläňde näme üçin saç gaty kän? Hä?!
Bir ýigit çalak-çulak dälirejek bolup başlapdyr. Ilki bilen onuň gulagyna ses eşidilipdir. Ýigit kellesindäki sese sowal beripdir: -Alýo, sen kim-aý? -Beýni gemriji gurçuk. -O meň kellämde näme işleýäň? -Aç otyryn. Iýere zat ýok.
Iki sany dost daga gezelenje çykýarlar. Birdenem olaryň biri gorpa gaçýar. Beýlekisi bada-bat elewräp başlaýar-da, gorpa çala eglip dostuny çagyrýar: -Dost jan, aýagyň abatmy? -Abat. -Eliňem abatmy? -Hawa. -Kelläň nähili? -Olam gowy. -Onda o taýdan bahymrak çyk-da. -Bu mümkin däl. Men heniz uçup barýan-n-n...
Iki sany ýarganat dikbaşaşak uçup barýarlar. Biri beýlekisinden soraýar: -Seniň durmuşyňda iň erbet günüň haýsydy? -Geçen hepde şunuň ýaly uçup barýarkak içim geçende...
Ýarygijeden agandan soňra äri süýji ukuda ýatan aýalyny oýarýar-da, onuň eline iki gerdek aspirin bilen bir bulgur suw tutdurýar. -Bu näme?-diýip alasarmyk ukunyň arasynda aýaly düşünmeýär. -Kellagyrydan. -Meniň kelläm agyranok ahyry... -Hä tutuldyňmy?-diýip äri begençli gygyrýar-da, düşege özüni oklaýar...
0
