20:33 Sabyr | |
Berdinazar HUDAÝNAZAROW
Goşgular
▶ SABYR Gün dogar, aý dogar öz wagty bilen, Öz wagty gelende süýjär almalar. Başagaý durmuşda darykma, kalbym, Gyssanma, hemme zat ýerbe-ýer bolar. Bir ömürde müñ alada-gaýgy bar, Adamlaryñ garasy bar, agy bar. Şükür, ýöne ähli zadyñ çägi bar, Gyssanma, hemme zat ýerbe-ýer bolar. Bugdaýa suw tutsañ, çaýyr-da ganar, Laçyna öýkünip, garga-da gaýýar. Çybyklar çüýreýär, töññeler galýar, Gyssanma, hemme zat ýerbe-ýer bolar. Eşegiñ yzyna tirkelen düýe Namysdan ölenmiş öz etin iýe... Urpak tozap gider, butnamaz gaýa, Gyssanma, hemme zat ýerbe-ýer bolar. Mydam bolup durmaz dokuzyñ doly, Başyñy belent tut, pesde tut päli. Küşdüñ mallarynyñ dikilşi ýaly, Gyssanma, hemme zat ýerbe-ýer bolar. * * * Men senden razy kakabaş kelläm, Tañkyrap ýatmadyñ, humarly bolduñ. Mahal-mahal deñiz bolup çaýkandyñ, Dagyñ başy ýaly dumanly bolduñ. Gözleý-gözleý gör, nämäñdir kem ýaly, Tapyp bilmän çişdiñ käte hum ýaly. Dünýäñ bar soragy sende jem ýaly, Danalara hernä sowally bolduñ. Ýeñläniñde utanjymdan derledim, Dulanañda eýdip-beýdip durladym. Ahyrsoñy öz-özüñi derñediñ, Kem-kemden goýaldyñ, kemally bolduñ. Gara güne, ýowuz zarba owulman, Buýsanç bilen gadam urduñ egilmän. Dik alnyñda gaý gopsa-da sowulman, Öz saýlan ugruña dowamly bolduñ. Egnimiñ üstünde elli ýyl bäri Göterip ýörün men togalak şary. Gerşiñe ýagypdyr ýanwaryñ gary, Müñ şükür! Tobaly-amanly bolduñ! | |
|
√ Eýledi ýar meni dert ile awara, medet... / Goşgular - 12.01.2025 |
√ Ýagşy niýetler / Goşgular - 08.01.2025 |
√ Oňşuksyz öý / Goşgular - 12.01.2025 |
√ Rubagylar / Goşgular - 10.01.2025 |
√ Men bir ýola... / Goşgular - 12.01.2025 |
√ Bir dem ol dilber jemalyndan yrak olmak ne güýç... / Goşgular - 01.01.2025 |
√ Aramyzdan gidenleri ýatlalyñ! / Goşgular - 12.01.2025 |
√ Dünýä maňa aşyk bolsun! / Goşgular - 07.01.2025 |
√ Hatty benewşe, haddy läle, zülpi reýhandyr... / Goşgular - 12.01.2025 |
√ Dostum, arz et jemalyň, janymyz bolsun fereh... / Goşgular - 04.01.2025 |
Teswirleriň ählisi: 0 | |